ജെറുസലെമില്‍ സ്ഫോടനം: ഏഴ്മരണം

ജെറുസലെം: ജെറുസലെമില്‍ ഡിസംബര്‍ രണ്ട് ഞായറാഴ്ച നടന്ന ബോംബ്സ്ഫോടനത്തില്‍ ഏഴ് ഇസ്രയേലികള്‍ കൊല്ലപ്പെട്ടു. 12 പേര്‍ക്ക് ഗുരുതരമായി പരിക്കേറ്റു. ഹെയ്ഫ നഗരത്തില്‍ ഒരു ബസ്സിനകത്താണ് ബോംബ്പൊട്ടിത്തെറിച്ചത്.

ജെറുസലെമില്‍ നടന്ന മാരകമായ മൂന്നു ബോംബുസ്ഫോടനങ്ങള്‍ നടന്ന് 12 മണിക്കൂറിനകമാണ് ഈ സ്ഫോടനമുണ്ടായത്. എങ്ങിനെയാണ് ബോംബ്സ്ഫോടനമുണ്ടായതെന്ന കാര്യം പൊലീസ് വിശദീകരിക്കുന്നില്ല. സ്ഫോടനത്തിനിരയായ ബസ് പാടെ കത്തിനശിച്ചു.

ഇസ്രയേലിലെ മൂന്നാമത്തെ വലിയ നഗരമാണ് സ്ഫോടനം നടന്ന ഹെയ്ഫ.