കശ്മീരില്‍ വെടിവയ്പ്്, അഞ്ചു മരണം

ശ്രീനഗര്‍: കുപ്വാര ജില്ലയിലെ സൈനികകേന്ദ്രം തകര്‍ക്കാനുളള ലഷ്കര്‍ ഇ തോയ്ബാ ആത്മഹത്യാ സ്ക്വാഡിന്റെ ശ്രമം ഇന്ത്യന്‍ സൈന്യം വിഫലമാക്കി. ആക്രമണത്തില്‍ മൂന്നു തീവ്രവാദികള്‍ കൊല്ലപ്പെട്ടു. സൈനിക വക്താവ് ശ്രീനഗറില്‍ അറിയിച്ചതാണ് ഈ വിവരം.

സൈനിക കേന്ദ്രത്തിലേയ്ക്ക് കാറോടിച്ചു കയറ്റാനായിരുന്നു തീവ്രവാദികളുടെ ശ്രമം.എന്നാല്‍ പ്രധാന കവാടത്തിലെത്തിയപ്പോള്‍ കാര്‍ സുരക്ഷാ വിഭാഗം സ്ഥാപിച്ച ഹര്‍ഡിലില്‍ തട്ടി കാര്‍ നിന്നു . തുടര്‍ന്ന് ഇരു വിഭാഗവും വെടിവയ്പാരംഭിച്ചു. കാറിലുണ്ടായിരുന്ന മൂന്നുപേരെയും സൈന്യം വെടിവച്ചു കൊന്നു.

വെടിവയ്പില്‍ രണ്ട് സൈനികരും കൊല്ലപ്പെട്ടു. അക്രമികളില്‍ നിന്നും ആയുധങ്ങള്‍ പിടിച്ചെടുത്തു.