റബര് : ബിജെപി പ്രധാനമന്ത്രിയെ കാണും
കണ്ണൂര് : റബര് മേഖലയില് കേരളം നേരിടുന്ന പ്രതിസന്ധി പരിഹരിക്കണമെന്നാവശ്യപ്പെട്ട് കേരളത്തിലെ ബിജെപി നേതാക്കള് പ്രധാനമന്ത്രിയെ കാണും. ഇക്കാര്യത്തില് കേന്ദ്രം അടിയന്തരമായി ഇടപെടണമെന്നാവശ്യപ്പെട്ട് നേതാക്കള് പ്രധാനമന്ത്രിയ്ക്ക് നിവേദനം നല്കും.
റബര് കര്ഷകര് മുമ്പെങ്ങുമില്ലാത്ത വിധം പ്രതിസന്ധിയാണ് അനുഭവിക്കുന്നത്. ഈ പ്രതിസന്ധിപരിഹരിക്കാന് കേന്ദ്രത്തിന്റെ ഇടപെടലാണ് ഞങ്ങള് ആവശ്യപ്പെടുന്നത് - ബിജെപി സംസ്ഥാനപ്രസിഡന്റ് സി.കെ. പത്മനാഭന് പറഞ്ഞു. കണ്ണൂരില് വാര്ത്താഏജന്സി പിടിഐയോട് സംസാരിക്കുകയായിരുന്നു അദ്ദേഹം. രണ്ടു ദിവസത്തിനുള്ളില് താന് പ്രധാനമന്ത്രിയെ നേരിട്ട് കണ്ട് ഇക്കാര്യം ബോധ്യപ്പെടുത്തുമെന്നും സി.കെ. പത്മനാഭന് പറഞ്ഞു.
കള്ള്സഹകരണസംഘങ്ങള് പിരിച്ചുവിട്ട് ഷാപ്പുകള്ക്ക് ലൈസന്സ് സമ്പ്രദായം ഏര്പ്പെടുത്താനുള്ള തീരുമാനം കെപിസിസിയുടേത് മാത്രമാണ്. ഐക്യജനാധിപത്യമുന്നണിയുടേതല്ല. കള്ള്ഷാപ്പുകളുടെ പ്രവര്ത്തനം കാര്യക്ഷമമാക്കാന് സഹകരണസംഘങ്ങളില് തൊഴിലാളി പ്രാതിനിധ്യം കൂട്ടുകയാണ് വേണ്ടതെന്നും അദ്ദേഹം പറഞ്ഞു.
പോട്ടോയുടെ കാര്യത്തില് കേന്ദ്രം ഒരു സമവായത്തിലെത്താന് ശ്രമിക്കുകയാണെന്നും ഇപ്പോഴത്തെ തീവ്രവാദത്തെ നേരിടാന് പറ്റിയതരത്തില് രൂപകല്പനചെയ്തതാണ് പോട്ടോയെന്ന കാര്യത്തില് സംശയമില്ലെന്നും അദ്ദേഹം വ്യക്തമാക്കി.