പൊലീസില്‍ പ്രത്യേക നിരീക്ഷണ സെല്‍

തിരുവനന്തപുരം: സംസ്ഥാനത്ത് തീവ്രവാദ പ്രവര്‍ത്തനങ്ങള്‍ തടയുന്നതിന് പൊലീസ് വകുപ്പില്‍ പ്രത്യേക നിരീക്ഷണ സെല്‍ രൂപീകരിച്ചിട്ടുണ്ടെന്ന് മുഖ്യമന്ത്രി എ. കെ. ആന്റണി നിയമസഭയെ അറിയിച്ചു.

സംസ്ഥാനത്ത് മതസൗഹാര്‍ദം തകര്‍ക്കാന്‍ ചില കക്ഷികള്‍ ശ്രമിക്കുന്നുണ്ട്. തീവ്രവാദ പ്രവര്‍ത്തനം നടത്തുന്നതിനായി അന്യസംസ്ഥാനങ്ങളില്‍ നിന്നുള്ള ഇടപെടലുകളെ ആ സംസ്ഥാനങ്ങളിലെ പൊലീസിന്റെ സഹകരണത്തോടെ ചെറുക്കും.

പ്രതിപക്ഷ നേതാവ് വി. എസ്. അച്യുതാന്ദന്റെ ചോദ്യത്തിന് മറുപടി പറയുകയായിരുന്നു മുഖ്യമന്ത്രി.