അക്രമത്തില് കോണ്ഗ്രസിനും പങ്കുണ്ട്: രാജഗോപാല്
കൊച്ചി: പിഡിപി ഹര്ത്താലിനോടനുബന്ധിച്ചും അതിനുശേഷം പത്തനംതിട്ടയിലും നടന്ന അക്രമങ്ങളില് കോണ്ഗ്രസിലെ ഒരു വിഭാഗത്തിനും പങ്കുണ്ടെന്ന് കേന്ദ്രറെയില്വേ സഹമന്ത്രി ഒ. രാജഗോപാല് ആരോപിച്ചു. ഡിസംബര് ഒമ്പത് ഞായറാഴ്ച വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം.
ഈ അക്രമങ്ങളെ തടയാന് ഈ സര്ക്കാരിന് കഴിവില്ലെങ്കില് അക്രമങ്ങള്ക്കെതിരെ ദൂരവ്യാപകമായ പ്രത്യാഘാതങ്ങളുണ്ടാകുമെന്ന് രാജഗോപാല് പറഞ്ഞു. തീവ്രവാദികളില്ലാത്തതിനാല് കേരളത്തില് പോട്ടോയ്ക്ക് പ്രസക്തിയില്ലെന്ന ആന്റണിയുടെ വാദത്തെതന്നെ പൊളിക്കുന്ന തരത്തിലുള്ള അക്രമങ്ങളാണ് പത്തനംതിട്ടയില് നടന്നത്. ആന്റണി തന്നെ തീവ്രവാദികള്ക്ക് തണല്നല്കുകയാണ്. - രാജഗോപാല് പറഞ്ഞു.
അക്രമം നടന്ന സ്ഥലങ്ങള് മുഖ്യമന്ത്രി സന്ദര്ശിക്കണം. അക്രമത്തില് നഷ്ടംസംഭവിച്ചവര്ക്ക് സാമ്പത്തികസഹായം നല്കുകയും വേണം. - രാജഗോപാല് അഭിപ്രായപ്പെട്ടു.