മുന്ന കേസ്: ഗുണ്ടകള്‍ വിദേശത്തേക്ക് കടന്നെന്ന്

തൃശൂര്‍: മുന്ന വധക്കേസിലെ വാടക ഗുണ്ടകള്‍ വിദേശത്തേക്ക് കടന്നെന്ന് സി. ബി. ഐ സംശയിക്കുന്നു.

പ്രതികളായ അബ്കാരി കരാറുകാരുടെ പ്രരണയാലാണ് വാടക ഗുണ്ടകള്‍ മുന്നയെ കൊന്നതെന്നാണ് സി. ബി. ഐ യുടെ അനുമാനം. പ്രധാന പ്രതിയായ വിജയനെ നേരത്തെ പൊലീസ് പിടികൂടിയിരുന്നു. കേസന്വേഷണത്തിന് ആറുമാസം കൂടി വേണമെന്ന് സി. ബി. ഐ നേരത്തെ ഹൈകോടതിയില്‍ ആവശ്യപ്പെട്ടിരുന്നു.

വാടക ഗുണ്ടകള്‍ വിദേശത്തേക്ക് കടന്നെങ്കില്‍ അവരെ പിടികൂടാന്‍ കൂടുതല്‍ സമയം വേണ്ടിവരും. പ്രധാന പ്രതിയായ ഗൂര്‍ഖയെക്കുറിച്ച് നേപ്പാളില്‍ അന്വേഷണം നടത്തിയിട്ടും പ്രയോജനമുണ്ടായിട്ടില്ല. 1992 ഏപ്രില്‍ 10 നാണ് മുന്ന കടമ്പഴിപ്പുറത്തിനടുത്ത് തൂവശ്ശേരിയില്‍ കാറില്‍ എണ്ണയൊഴിച്ച് കത്തിച്ച് കൊലപ്പെടുത്തിയ നിലയില്‍ കാണപ്പെട്ടത്.