സര്ക്കാര് പരാജയം: കരുണാകരന്
തിരുവനന്തപുരം: അക്രമം തടയുന്നതില് ഈ സര്ക്കാര് പരാജയപ്പെട്ടെന്ന് മുതിര്ന്ന കോണ്ഗ്രസ് നേതാവ് കെ. കരുണാകരന് കുറ്റപ്പെടുത്തി. ഡിസംബര് 11 ചൊവാഴ്ച വാര്ത്താസമ്മേളനത്തില് സംസാരിക്കുകയായിരുന്നു കരുണാകരന്.
അക്രമം നടത്തിയതാരാണെന്ന് മനസ്സിലായാല് അത് തടയാന് എത്രസമയം വേണം?. അക്രമികളെ അടിച്ചമര്ത്തുന്ന കാര്യത്തില് പൊലീസും സര്ക്കാരും വീഴ്ചവരുത്തി. - കരുണാകരന് പറഞ്ഞു.
1974ല് താന്മുഖ്യമന്ത്രിയും വയലാര് രവി ആഭ്യന്തരമന്ത്രിയും ആയിരുന്നപ്പോള് ഇതുപോലെ ഒരക്രമം റിപ്പോര്ട്ട് ചെയ്ത ഉടനെ അടിച്ചമര്ത്തിയ കാര്യം കരുണാകരന് സൂചിപ്പിച്ചു. അക്രമത്തെ സംബന്ധിച്ച് ഒ.രാജഗോപാല് നടത്തിയ പ്രസ്താവന ഒരു കേന്ദ്രമന്ത്രിയ്ക്ക് ചേര്ന്നതല്ലെന്നും കരുണാകരന് പറഞ്ഞു.
സംസ്ഥാനത്തിന്റെ സമാധാനാന്തരീക്ഷം തകര്ക്കാന് ഏതോ ഗൂഡശക്തികള് പ്രവര്ത്തിക്കുന്നുണ്ടെന്നും അദ്ദേഹം പറഞ്ഞു.