ആലപ്പുഴയില് സംഘര്ഷം, മിന്നല്പട ഇറങ്ങി
തിരുവനന്തപുരം: ആലപ്പുഴയിലും പത്തനംതിട്ടയിലും അക്രമങ്ങള് തുടരുന്നു. ആലപ്പുഴയിലെ പ്രശ്നപ്രദേശങ്ങളില് നിരോധനാജ്ഞ പുറപ്പെടുവിച്ചിരിക്കുകയാണ്. മിന്നല് പടയും ഇറങ്ങിയിട്ടുണ്ട്.
ആലപ്പുഴയില് മിന്നല് പട റോഡില് മാര്ച്ച് നടത്തും.
പത്തനംതിട്ടയിലും അക്രമങ്ങള് അറങ്ങേറി. പന്തളലം, തിരുവല്ല, കോന്നി എന്നീ ഭാഗങ്ങളിലാണ് അക്രമങ്ങള് അരങ്ങേറിയത്. കോന്നി ചൈനാമുക്കില് ഒരു ഹോട്ടലും ബേക്കറിയും തീവച്ചു. ബേക്കറി പൂര്ണമായി കത്തി നശിച്ചു. വെട്ടൂരില് മുസ്ലിം പള്ളിയുടെ കാണിക്ക വഞ്ചി ബോംബ് സ്ഫോടനത്തില് തകര്ന്നു. തിരുവല്ല പൊടിയാടി കവലയിലെ പെട്രോള് ബങ്കിന് നേരെയും ആക്രമണമുണ്ടായി. പന്തളത്ത് അക്രമികള് നടത്തിയ കാര് കത്തിക്കല് ശ്രമം ഫലിച്ചില്ല. അടൂര് ചേന്നംപള്ളി ക്ഷേത്രത്തിനകത്തേക്ക് തീ പടര്ത്താന് ശ്രമിച്ചെങ്കിലും ആളുകള് ഓടിക്കൂടി അപകടം ഒഴിവാക്കി.
പുന്നപ്ര, അമ്പലപ്പുഴ, ആലപ്പുഴ സൗത്ത് എന്നീ പൊലീസ് സ്റേഷന് അതിര്ത്തി പ്രദേശങ്ങളിലാണ് നിരോധനാജ്ഞ പുറപ്പെടുവിച്ചിരിക്കുന്നത്.
ആലപ്പുഴയില് ഒരു കടയും വീട്ടുമുറ്റത്ത് ഇട്ടിരുന്ന ഒരു കാറും തീവച്ചു, ഡോ. പി. ശ്രീനിവാസന്റെ വീട്ടുമുറ്റത്ത് കിടന്ന കാറാണ് അക്രമികള് തീവച്ചത്. ശ്യാംലാല് എന്ന യാളുടെ കടയ്കാണ് അക്രമികള് തീയിട്ടത്.
അക്രമങ്ങളില് മൂന്നു ലക്ഷം രൂപയുടെ നഷ്ടം ഉണ്ടായതായി കണക്കാക്കുന്നു.