വെടിവയ്പ്: 12 പേര്‍ മരിച്ചു

ദില്ലി: പാര്‍ലമെന്റ് പരിസരത്തുണ്ടായ വെടിവയ്പില്‍ കുറഞ്ഞത് 12 പേര്‍ മരിച്ചതായി റിപ്പോര്‍ട്ട്. ആക്രമണം നടത്തിയ തീവ്രവാദികളെല്ലാവരും കൊല്ലപ്പെട്ടു.

കമാന്റോ യൂണിഫോമിലാണ് തീവ്രവാദികള്‍ എത്തിയത്. വ്യാജ തിരിച്ചറിയല്‍ കാര്‍ഡുകളാണ് ഇവര്‍ ഉപയോഗിച്ചത്. ആര്‍ഡിഎക്സും എകെ-47 തോക്കുകളും ഇവരുടെ കൈയിലുണ്ടായിരുന്നു.

ഡിഎല്‍-3സിജെ 1527ാം നമ്പര്‍ വെള്ള അംബാസിഡര്‍ കാറിലാണ് തീവ്രവാദികളെത്തിയത്. എല്ലാവരും 25നും 30നും ഇടക്ക് പ്രായമുള്ളവരാണ്.

പരിക്കേറ്റവരില്‍ മാധ്യമപ്രവര്‍ത്തകരും ഉള്‍പ്പെടുന്നു. ഒരു ക്യാമറാമാന് ഗുരുതരമായി പരിക്കേറ്റു. എ എന്‍ഐ എന്ന ടെലിവിഷന്‍ വാര്‍ത്താ ഏജന്‍സിയുടെ ക്യാമറാ മാനാണ് പരിക്കേറ്റത്. പരിക്കേറ്റ ഇരുപത്തഞ്ചോളം പേര്‍ രാംമനോഹര്‍ ലോഹ്യ ആശുപത്രിയില്‍ ചികിത്സയിലാണ്.

പ്രധാനമന്ത്രിയുടെ വസതിയില്‍ സുരക്ഷ ശക്തിപ്പെടുത്തിയിട്ടുണ്ട്.ദില്ലി വിമാനത്താവളത്തിലും റെയില്‍വെ സ്റേഷനിലും സുരക്ഷ ശക്തിപ്പെടുത്തി.