ദില്ലിയിലേക്ക് കൂടുതല്‍ വിമാനസര്‍വീസ്

കൊച്ചി: യാത്രക്കാരുടെ വര്‍ധിച്ച തിരക്കൊഴിവാക്കാന്‍ ഡിസംബര്‍ 22,23,24 തിയതികളില്‍ മുതല്‍ ഇന്ത്യന്‍ എയര്‍ലൈന്‍സിന്റെ കൂടുതല്‍ വിമാനസര്‍വീസ് നടത്തും. തിരുവനന്തപുരം-ദില്ലി-കൊച്ചി മേഖലയിലാണ് അധികവിമാനസര്‍വീസ് നടത്തുക.

ഡിസംബര്‍ 13 വ്യാഴാഴ്ച വാര്‍ത്താക്കുറിപ്പില്‍ അറിയിച്ചതാണ് ഇക്കാര്യം.പുതിയ സംവിധാനപ്രകാരം, ഈ മൂന്നുദിവസവും അധികമായ സര്‍വീസ് നടത്തുന്ന വിമാനം ദില്ലിയില്‍ നിന്ന് രാവിലെ 6.30 ന് പുറപ്പെട്ട് കൊച്ചിയില്‍ രാവിലെ 9.25ന് എത്തിച്ചേരും.

കൊച്ചിയില്‍ നിന്ന് രാവിലെ 10ന് പുറപ്പെട്ട് 10.30ന് തിരുവനന്തപുരത്തെത്തുന്ന അവിടെ നിന്നും രാവിലെ 11.10ന് പുറപ്പെട്ട് 2.20ന് ദില്ലിയിലെത്തിച്ചേരും.