ശിവഗിരി സന്യാസിമാര്‍ മദ്യപാനികള്‍: അഴീക്കോട്

തൃശൂര്‍: ശിവഗിരി ശ്രീനാരായണ മഠത്തിലെ സന്യാസിമാരില്‍ മിക്കവരും മദ്യപാനികളാണെന്ന് സുകുമാര്‍ അഴീക്കോട് പറഞ്ഞു.

എസ്എന്‍ഡിപി യോഗം ജനറല്‍ സെക്രട്ടറിയായ മദ്യവ്യവസായി വെള്ളാപള്ളി നടേശന്‍ ശ്രീനാരാണ ഗുരുവിനെ പറ്റി ഇകഴ്ത്തിപറയാന്‍ ഇനി ബാക്കിയൊന്നുമില്ല. ഗുരു കള്ള്കുടിയനാണെന്ന് മാത്രമേ നടേശന്‍ ഇനി പറയാനുള്ളൂ. നടേശന്‍ അങ്ങനെ പറയുന്ന ദിവസം താന്‍ ആത്മഹത്യ ചെയ്യും. അഴീക്കോട് പറഞ്ഞു.

അയ്യന്തോള്‍ കോസ്റ് ഫോര്‍ഡിലെ സി. അച്യുതമേനോന്‍ സെന്റര്‍ സംഘടിപ്പിച്ച മദ്യനയം- മണി മുഴങ്ങുന്നതാര്‍ക്കു വേണ്ടി? എന്ന സംവാദത്തില്‍ പങ്കെടുത്തു സംസാരിക്കുകയായിരുന്നു അദ്ദേഹം. വി. എം. സുധീരന്‍ എംപി, സ്വാമി ശക്രാനന്ദ എന്നിവരും സംവാദത്തില്‍ പങ്കെടുത്തു.

കേരളത്തിലെ 90 ശതമാനം ജനങ്ങളും മദ്യം കഴിക്കുന്നവരാണ്. സിനിമകളും മറ്റും മദ്യപാനശീലത്തെ മഹത്വവത്കരിക്കാനാണ് ശ്രമിക്കുന്നത്. മദ്യപാനമടക്കം എന്തു തോന്ന്യാസവും സിനിമയല്‍ കാണിക്കുന്ന മോഹന്‍ലാലിനെ പോലുള്ള താരങ്ങളെ ജനങ്ങള്‍ ബഹിഷ്കരിക്കണം.

പടിപടിയായുള്ളമദ്യനിരോധനം പ്രാവര്‍ത്തികമാക്കാനുള്ള ആദ്യപടിയായി സംസ്ഥാനത്ത് ദൂരപരിധി ലംഘിച്ച് പ്രവര്‍ത്തിക്കുന്ന ബാറുകളും കള്ള്ഷാപ്പുകളും നിര്‍ത്തലാക്കണമെന്ന് വി.എം. സുധീരന്‍ പറഞ്ഞു.