പെന്ഷന് പ്രായം 58 ആക്കണം : കരുണാകരന്
തൃശൂര് : പെന്ഷന് പ്രായം 58 വയസാക്കി ഉയര്ത്തണമെന്ന് കെ.കരുണാകരന്.
അങ്ങനെ ചെയ്താല് സംസ്ഥാനം അഭിമുഖീകരിക്കുന്ന സാമ്പത്തിക പ്രതിസന്ധിയ്ക്ക് അല്പം ആശ്വാസം കിട്ടും. എന്ജിഒ അസോസിയേഷന് സംസ്ഥാനസമ്മേളനം ഉദ്ഘാടനം ചെയ്യവെയാണ് കരുണാകരന് ഈ ആവശ്യം ഉന്നയിച്ചത്. പെന്ഷന് പ്രായം ഉയര്ത്തിയാല് തൊഴിലവസരങ്ങള് നഷ്ടമാകുമെന്ന പ്രചരണത്തില് കഴമ്പില്ലെന്ന് അദ്ദേഹം പറഞ്ഞു.
കേന്ദ്രജീവനക്കാരുടെ പെന്ഷന് പ്രായം 60 വയസ്സണ്. മറ്റു പല സംസ്ഥാനങ്ങളിലും പെന്ഷന് പ്രായം 58 ആണ്. അതിനാല് കേരളത്തില്മാത്രം സര്ക്കാര് ജീവനക്കാര് 55 വയസില് പിരിഞ്ഞു പോകുന്നതില് ന്യായീകരണമില്ല. പെന്ഷന് പ്രായം ഉയര്ത്തുന്നതു വഴി ലാഭിക്കുന്ന തുക ഉല്പാദനപ്രവര്ത്തനങ്ങള്ക്കു വിനിയോഗിക്കണമെന്നും കരുണാകരന് നിര്ദ്ദേശിച്ചു.
യുവാക്കള്ക്കു കാര്യം പറഞ്ഞാല് മനസിലാവുമെന്നും അദ്ദേഹം കൂട്ടിച്ചേര്ത്തു.