അച്യുതന്‍: വനിതാകമ്മീഷന്‍ അന്വേഷണം തുടരും

തിരുവനന്തപുരം: കെ. അച്യുതന്‍ എംഎല്‍എയ്ക്കെതിരെ റാണി വിജയന്‍ നല്കിയ പരാതിയില്‍ അന്വേഷണം തുടരാന്‍ വനിതാകമ്മീഷന്‍ തീരുമാനിച്ചു. കഴിഞ്ഞ ദിവസം തിരുവനന്തപുരത്ത് ചേര്‍ന്ന വനിതാകമ്മീഷന്‍ ഫുള്‍ബോര്‍ഡ് യോഗമാണ് ഇക്കാര്യത്തില്‍ തീരുമാനമെടുത്തത്.

ഉടനെ ഇക്കാര്യത്തില്‍ വനിതാകമ്മീഷന്‍ അച്യുതന് നോട്ടീസയയ്ക്കും. വനിതാകമ്മീഷന്‍ ചെയര്‍പേഴ്സണ്‍ ജസ്റിസ് ശ്രീദേവി നേരിട്ട് ഈ കേസ് അന്വേഷിക്കും. ക്രിസ്മസിനു ശേഷം തെളിവെടുപ്പാരംഭിക്കും.

നേരത്തെ അച്യുതനെതിരെ വനിതാകമ്മീഷന്‍ അന്വേഷണം താല്ക്കാലികമായി നിര്‍ത്തിയിരുന്നു. ഇതില്‍ ചിലര്‍ക്ക് എതിര്‍പ്പുണ്ടായതിനെ തുടര്‍ന്നാണ് വനിതാകമ്മീഷന്റെ ഫുള്‍ബോര്‍ഡ് യോഗം ചേര്‍ന്നത്. സര്‍ക്കാര്‍ അന്വേഷണം തുടങ്ങിയതുകൊണ്ടാണ് വനിതാകമ്മീഷന്‍ താല്ക്കാലികമായി അന്വേഷണം നിര്‍ത്തിവച്ചിരുന്നതെന്നാണ് വനിതാകമ്മീഷന്റെ വിശദീകരണം.