കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ടവറിനു മുകളില്‍ ആത്മഹത്യാ നാടകം

  • By Staff
Google Oneindia Malayalam News

കൊച്ചി: റബര്‍ വിലയുയര്‍ത്തണമെന്നാവശ്യപ്പെട്ട് വിഎസ്എന്‍എല്‍ ടവറിനു മുകളില്‍ യുവാവിന്റെ ആത്മഹത്യാ നാടകം. മുണ്ടക്കയം സ്വദേശി സിബി ചാണ്ടിയാണ് റബറിന് 40 രൂപ വില നിശ്ചയിക്കണമെന്ന ആവശ്യവുമായി ടെലിഫോണ്‍ ടവറിനു മുകളില്‍ കയറി ആത്മഹത്യാ ഭീഷണി മുഴക്കിയത്. മണിക്കൂറുകള്‍ നീണ്ട ശ്രമത്തിനു ശേഷം ഇയാളെ പോലീസ് താഴെയിറക്കി.

കൈയില്‍ ഒരു റബര്‍ ഷീറ്റുമായി രാവിലെ 9.30നാണ് സിബി ടവറിനു മുകളില്‍ കയറിയത്. റബറിനു 40 രൂപ വില കിട്ടണമെന്നെഴുതിയ കത്ത് ടവറിനു ചുവട്ടില്‍ നിന്നും പോലീസിനു ലഭിച്ചു. പോലീസും ഫയര്‍ഫോഴ്സുമുള്‍പ്പെട്ട വന്‍ സന്നാഹം ആവര്‍ത്തിച്ചു താഴെയിറങ്ങാനാവശ്യപ്പെട്ടെങ്കിലും ഇയാള്‍ വഴങ്ങിയില്ല. റബറിനു വിലവര്‍ദ്ധിപ്പിക്കാന്‍ പ്രധാനമന്ത്രി ഉത്തരവിട്ടെന്നും സിബിയ്ക്കു പ്രത്യേക സമ്മാനം പ്രഖ്യാപിച്ചെന്നും മൈക്കിലൂടെ അറിയിച്ചിട്ടും താഴെയിറങ്ങാന്‍ സിബി കൂട്ടാക്കിയില്ല.

പിന്നീട് താഴെയിറങ്ങാന്‍ തയ്യാറാണെങ്കില്‍ കയ്യിലിരിക്കുന്ന റബര്‍ ഷീറ്റ് താഴെയിടാനുളള പോലീസിന്റെ അഭ്യര്‍ത്ഥന ഇയാള്‍ അനുസരിച്ചു. തുടര്‍ന്ന് ഫയര്‍ഫോഴ്സ് ഉദ്യോഗസ്ഥര്‍ ടവറിനു മുകളില്‍ കയറി പ്രക്ഷോഭകാരിയെ താഴെയിറക്കി. താഴെയിറങ്ങുമ്പോള്‍ തനിക്ക് അമ്പതു രൂപ തരണമെന്ന ആവശ്യവും സിബി ഉന്നയിച്ചു.

ആത്മഹത്യാ ശ്രമത്തിനും അതിക്രമിച്ചു കടന്നതിനും കോസെടുത്ത് സിബിയെ പോലീസ് പൊന്‍കുന്നം സ്റേഷനിലേയ്ക്ക് കൊണ്ടു പോയി.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X