എംപിമാരെ വധിക്കാന്‍ പദ്ധതിയുണ്ടായിരുന്നു

എംപിമാരെ വധിക്കാന്‍ പദ്ധതിയുണ്ടായിരുന്നു
ഡിസംബര്‍ 20, 2001

ദില്ലി: പാര്‍ലമെന്റിനുനേരെ ആക്രമണം നടത്തിയ തീവ്രവാദികള്‍ക്ക് എംപിമാരെ വധിക്കാന്‍ പദ്ധതിയുണ്ടായിരുന്നു. തീവ്രവാദികള്‍ക്ക് വേണ്ട താമസവും മറ്റുസഹായങ്ങളും ദില്ലിയില്‍ ചെയ്തുകൊടുത്ത, പൊലീസ് പിടിയിലായ മൊഹമ്മദ് അഫ്സലാണ് ഡിസംബര്‍ 20 വ്യാഴാഴ്ച ഈ വെളിപ്പെടുത്തല്‍ നടത്തിയത്.

ഒന്നരമാസം മുമ്പ് ദില്ലിയില്‍ വരുമ്പോള്‍ വ്യക്തമായ പദ്ധതിയൊന്നും മനസ്സിലില്ലായിരുന്നു. ദില്ലിയിലെ നിയമസഭയും ചില വിദേശഎംബസികളും തകര്‍ക്കണമെന്നായിരുന്നു ആദ്യം തീരുമാനിച്ചത്. - അഫ്സല്‍ പറഞ്ഞു.

പക്ഷെ ആത്യന്തികലക്ഷ്യം ഇന്ത്യന്‍ പാര്‍ലമെന്റ് തന്നെയായിരുന്നു. ശ്രീനഗറില്‍ ചെന്ന് ജെയ്ഷ് എ മുഹമ്മദിന്റെ നേതാവ് ഗാസി ബാബയെ കണ്ടപ്പോഴാണ് ഉടനെ ലക്ഷ്യം നിറവേറ്റാന്‍ അഞ്ചംഗസംഘത്തിന്റെ നേതാവ് മുഹമ്മദിനോട് പറയാന്‍ കല്പനയുണ്ടായത്. അങ്ങിനെയാണ് അവര്‍ പാര്‍ലമെന്റിനെതിരെ പെട്ടെന്നുതന്നെ ആക്രമണം സംഘടിപ്പിച്ചത്. - മൊഹമ്മദ് അഫ്സല്‍ പറഞ്ഞു.