ചാവേര്ആക്രമണം: ബുഷ് അപലപിച്ചു
വാഷിംഗ്ടണ് ഇന്ത്യന് പാര്ലമെന്റിനു നേരെ നടന്ന ആക്രമണത്തെ പ്രസിഡന്റ് ജോര്ജ് ബുഷ് അപലപിച്ചു. ഏറ്റവും വലിയ ജനാധിപത്യ രാജ്യത്തിന്റെ നിയമ നിര്മ്മാണ സഭയാണ് നികൃഷ്ടമായി ആക്രമിക്കപ്പെട്ടത്. ഒരു സംഘടനയെക്കൂടി ഭീകരലിസ്റില് ഉള്പ്പെടുത്താന് ഈ ആക്രമണം കാരണമായി.
അഭിപ്രായസ്വാതന്ത്യത്തിനും ആരാധനാ സ്വാതന്ത്യത്തിനും പരമപ്രധാന്യം നല്കുന്ന ഇന്ത്യയുടെ പാര്ലമെന്റ് ആക്രമിച്ചതില് ബുഷ് കടുത്ത പ്രതിഷേധം രേഖപ്പെടുത്തി. വേള്ഡ് ട്രേഡ് സെന്ററിനെതിരെ നടന്ന ആക്രമണത്തിന്റെ 100 ാദിവസത്തോടനുബന്ധിച്ച് സംസാരിക്കുകയായിരുന്നു ബുഷ്.
ജനപ്രതിനിധികളെയും നേതാക്കളെയും കൊല്ലാനോ ബന്ദികളാക്കാനോ ആയിരുന്നു തീവ്രവാദികളുടെ ലക്ഷ്യം. എട്ടു നിരപരാധികളെയും അവര് കൊന്നു. കഴിഞ്ഞ ദിവസം നടന്നത് ഇന്ത്യന് ജനാധിപത്യത്തിനു നേരെ നടന്ന ഏറ്റവും ഒടുവിലത്തെ ആക്രമണമാണെന്നും ബുഷ് ചൂണ്ടിക്കാട്ടി.
അമേരിക്കയ്ക്കും സുഹൃത്തുക്കള്ക്കുമെതിരെ ഭീകരാക്രമണം വര്ദ്ധിച്ചു വരികയാണെന്ന് അദ്ദേഹം പറഞ്ഞു. സെപ്തംബര് 11നു ശേഷം ഇത്തരം ആക്രമണങ്ങള് കൂടി വരുന്നു. കൊല്ലപ്പെട്ടവരുടെ കുടുംബാംഗങ്ങളോട് ബുഷ് അനുശോചനം രേഖപ്പെടുത്തി. .