• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കര്‍സായി സര്‍ക്കാര്‍ അധികാരമേറ്റു

  • By Staff

കാബൂള്‍ : അഫ്ഗാനിസ്താനില്‍ പ്രസിഡന്റ് ഹമീദ് കര്‍സായിയുടെ നേതൃത്വത്തിലുള്ള ഇടക്കാല സര്‍ക്കാര്‍ അധികാരമേറ്റു. കര്‍സായി ഉള്‍പ്പടെ 30 അംഗങ്ങളുണ്ട് പുതിയ സര്‍ക്കാരില്‍. രണ്ട് വനിതകളും ഇതില്‍ പെടും.

ആറ് മാസമാണ് ഈ ഇടക്കാല സര്‍ക്കാരിന്റെ കാലാവധി.

പഷ്തൂണ്‍ നേതാവാണ് 44 കാരനായ കര്‍സായി. കഴിഞ്ഞ 29 വര്‍ഷമായി യുദ്ധം നയിക്കുകയാണ് കര്‍സായി. 11 പഷ്തൂണുകളും എട്ട് താജിക്കുകളും അഞ്ച് ഷിയാ മുസ്ലിമുകളും മൂന്ന് ഉസ്ബക്കുകളും മറ്റു ന്യൂനപക്ഷ ങ്ങളില്‍നിന്ന് മൂന്നുപേരും ചേര്‍ന്നതാണ് പുതിയ ഭരണസമിതി. എണ്ണത്തില്‍ കുറവാണെങ്കിലും താജിക്കുകളാണ് സമിതിയിലെ പ്രധാന സ്ഥാനങ്ങള്‍ വഹിക്കുന്നത്. വടക്കന്‍ സഖ്യത്തില്‍ താജിക്കുകള്‍ക്കാണ് മുന്‍ തൂക്കം.

യു.എന്‍. സമാധാനസേനയ്കാണ് അഫ്ഗാനിസ്ഥാനിലെ സുരക്ഷാ ചുമതല. സുരക്ഷാസേനയെ ബ്രിട്ടനാണ് നയിക്കുന്നത്.

കാബൂളില്‍ സുരക്ഷാ സന്നാഹം ശക്തമാക്കി. പൊതു നിരത്തുകളില്‍ ആയുധം കൈവശം വച്ചുകൊണ്ടുള്ള യാത്രകള്‍ക്ക് കര്‍ശന നിയന്ത്രണങ്ങള്‍ ഏര്‍പ്പെടുത്തിയതായി അഫ്ഗാനിസ്ഥാനിലെ ആഭ്യന്തര മന്ത്രാലയം അറിയിച്ചു.

ഇതേ സമയം തോറാ ബോറയിലെ വടക്കു കിഴക്കന്‍ പ്രവിശ്യയില്‍ അമേരിക്കയുടെ ആക്രമണം തുടരുകയാണ്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X