കയര്ത്തൊഴിലാളി സമരം തുടരും
തിരുവനന്തപുരം: രണ്ടാഴ്ചയായി കയര്ത്തൊഴിലാളികള് നടത്തിവരുന്ന സമരം ഒത്തുതീര്ക്കാനുള്ള ശ്രമം പരാജയപ്പെട്ടു.
മുഖ്യമന്ത്രിയുടെ നിര്ദേശപ്രകാരം തൊഴില്മന്ത്രി ബാബുദിവാകരന് വിളിച്ചുചേര്ത്തയോഗത്തില് കയര്ഫാക്ടറി ഉടമകളും ട്രേഡ് യൂണിയന് നേതാക്കളും തമ്മിലുള്ള ചര്ച്ച രമ്യതയിലെത്തിയില്ല.
കയര്ത്തൊഴിലാളികളുടെ വിവിധപ്രശ്നങ്ങള് പഠിക്കാന് മൂന്നംഗസമിതിയെ നിയോഗിക്കാന് യോഗത്തില് ധാരണയായി. മൂന്നംഗസമിതിയുടെ പഠനറിപ്പോര്ട്ട് വരുന്നതുവരെ സമരം തുടരാനാണ് തൊഴിലാകളുടെ തീരുമാനം.
ഡിസംബര് 26ചൊവാഴ്ച ആലപ്പുഴ കളക്ടറേറ്റില് കയര്തൊഴിലാളികള് ഉപവാസം നടത്തി. സമരം സിഐടിയുനേതാവ് ഗുരുദാസന് ഉദ്ഘാടനം ചെയ്തു. കയര്ബോര്ഡ് ഓഫീസിനുമുമ്പില് തൊഴിലാളികള് ധര്ണ്ണ നടത്തി.
ഇതിനിടെ കയര്സമരത്തിന്റെ ഭാഗമായി ഫ്രഞ്ച്കാരനായ കയര്ഫാക്ടറി ഉടമയായ ക്രിസ്റഫിനെ വെട്ടിയകേസില് അഞ്ചുപേരെ അറസ്റ്ചെയ്തു. രാജേന്ദ്രന്, കുഞ്ഞപ്പന്, ജോര്ജ്ജ് , അമ്പി, സുരേന്ദ്രന് എന്നിവരെയാണ് അറസ്റ്ചെയ്തത്. ഫാക്ടറി പ്രവര്ത്തിപ്പിച്ചതിനാണ് ക്രിസ്റഫിനെ സമരക്കാര് വെട്ടിയത്.
തൊഴില് മന്ത്രി ബാബുദിവാകരന്റെ അധ്യക്ഷതയില് ചേര്ന്ന യോഗത്തില് വ്യവസായമന്ത്രി പി.കെ. കുഞ്ഞാലിക്കുട്ടി, കൃഷിമന്ത്രി ഗൗരിയമ്മ എന്നിവരും പങ്കെടുത്തു.