ലഷ്കാറിന്റെ പ്രവര്ത്തനം തടയണം: ബ്രിട്ടന്
ലണ്ടന്: ലഷ്കാര്-എ-തോയിബയുടെയും ജയിഷ്-എ-മുഹമ്മദിന്റെയും പ്രവര്ത്തനങ്ങള് തടയണമെന്ന് ബ്രിട്ടന് പാകിസ്ഥാന് പ്രസിഡന്റ് പര്വേസ് മുഷാറഫിനോട് ആവശ്യപ്പെട്ടു.
ഇന്ത്യന് പാര്ലമെന്റിന് നേരെ നടന്ന ആക്രമം ഇന്ത്യക്കെതിരെ മാത്രമല്ല ജനാധിപത്യ ലോകത്തിന് നേരെയുണ്ടായ അതിക്രമമമാണെന്ന് ബ്രിട്ടന്റെ വിദേശകാര്യ സെക്രട്ടരി ജാക്ക് സ്ട്രോ പറഞ്ഞു.
തീവ്രവാദ പ്രവര്ത്തനത്തിന് യാതൊരു ന്യായീകരണവുമില്ല. ജമ്മു കശ്മീര് അസംബ്ലിക്കു നേരെ നടന്ന അക്രമത്തിന്റെ ഉത്തരവാദിത്വം ജയിഷ്-എ-മുഹമ്മദ് ഏറ്റെടുത്തിരുന്നു. ജയിഷ്-എ-മുഹമ്മദിന് അല്-കൊയ്ദയുമായി ബന്ധമുണ്ട്.
അക്രമപ്രവര്ത്തനങ്ങള് നടത്തുന്ന ഇത്തരം സംഘടനകള്ക്ക് ആധുനിക സമൂഹത്തില് സ്ഥാനമില്ല. അവയുടെ പ്രവര്ത്തനങ്ങള് നിര്ത്തലാക്കപ്പെടണം.
ഇന്ത്യയും പാകിസ്ഥാനും തമ്മിലുള്ള പ്രശ്നങ്ങള് പരിഹരിക്കുന്നതിന് ഇരുരാജ്യങ്ങളും ഒന്നുചേര്ന്ന് ശ്രമിക്കണമെന്ന് ജാക്ക് സ്ട്രോ പറഞ്ഞു.
ഇന്ത്യന് പാര്ലമെന്റിനെതിരെ നടന്ന ആക്രമണത്തെ പാകിസ്ഥാന് അപലപിച്ചതിനെയും തീവ്രവാദ സംഘടനകള്ക്കെതിരെ നടപടികള് സ്വീകരിച്ചതിനെയും ജാക്ക് സ്ട്രോ സ്വാഗതം ചെയ്തു.