കാര്യങ്ങൾ അതിവേഗം അറിയാൻ
For Daily Alerts
ദുബായില് മലയാളിയെ കൊന്നു
മാഹി: ദുബായില് മലയാളിയെ അധോലോകം വെട്ടി നുറുക്കി പെട്ടിയിലടച്ചു.
അധോലോകത്തിന്റെ ആക്രമണത്തില് ചെറുകല്ലായി സ്വദേശിയായ യുവാവ് കൊല്ലപ്പെട്ടതായി മാഹിയിലെ ബന്ധുക്കള്ക്ക് വിവരം ലഭിച്ചു. ഡിസംബര് 27 വ്യാഴാഴ്ച യാണ് ചെറുകല്ലായി സ്വദേശി കമറുദ്ദീന് എന്ന ലത്തീഫ് (40) കൊല്ലപ്പെട്ടത്.
ശരീരം മൂന്നു കഷണങ്ങളായി വെട്ടി നുറുക്കി ടി വി യുടെ പെട്ടിയിലടച്ച് ചവര് വീപ്പയില് ഉപേക്ഷിച്ച നിലയിലാണ് കണ്ടെത്തിയത്.
ക്രിക്കറ്റ് കളിയ്കാന് പോവുകയായിരുന്ന കുട്ടികളാണ് മൃതദേഹം കണ്ടെത്തിയത്. അധോലോകത്തിന്റെ മദ്യ - മയക്കുമരുന്ന് ഇടപാടുകളെകുറിച്ച് പൊലീസിന് വിവരം നല്കിയതുകൊണ്ടുള്ള വിദ്വേഷമാണത്രെ കൊലയ്ക് കാരണം.
പൊലീസിന്റെ രഹസ്യാന്വേഷണവിഭാഗവുമായി ഈയാള്ക്ക് അടുത്ത ബന്ധമുണ്ടായിരുന്നു. നാട്ടില് നിന്ന് അവധികഴിഞ്ഞ് മടങ്ങിയെത്തിയിട്ട് അധിക ദിവസമായിരുന്നില്ല.
Comments
Story first published: Monday, December 31, 2001, 23:53 [IST]