എം. എല്‍. എ മാരുടെ മക്കള്‍ക്കെതിരെ കേസ്

തിരുവനന്തപുരം: പുതുവത്സരാഘോഷത്തിനിടയില്‍ തല്ലുണ്ടാക്കിയതിന് എം. എല്‍. എ മാരുടെ മക്കള്‍ക്കെതിരെ കേസ്.

സി. പി. എം നേതാവ് കോടിയേരി ബാലകൃഷ്ണന്‍ എം. എല്‍. എ യുടെ രണ്ട് മക്കള്‍ക്കും പൂഞ്ഞാര്‍ എം. എല്‍. എ യായ കേരളാ കോണ്‍ഗ്രസ് (ജോസഫ്) നേതാവ് പി സി ജോര്‍ജ്ജിന്റെ മകനും എതിരെയാണ് കേസ്.

തിരുവനന്തപുരത്ത് വഴുതയ്കാട്ടെ ട്രിവാന്‍ട്രം ക്ലബില്‍ അതിഥിയുടെ പാസുമായാണ് ഇവര്‍ എത്തിയത്. രാത്രി 11 മണിയോടെയാണ് ബഹളം ഉണ്ടാക്കി. ക്ലബിലെ അംഗമായ സത്യശീലന്റെ തലയില്‍ കുപ്പി കൊണ്ടടിച്ച് പരിക്കേല്‍പ്പിച്ചു. സത്യശീലന് തലയില്‍ മൂന്ന് തുന്നിക്കെട്ടുണ്ട്.മ്യൂസിയം പൊലീസ് കേസെടുത്തിട്ടുണ്ട്. മൂന്നുപേരെയും വൈദ്യപരിശോധനയ്ക് വിധേയരാക്കി. ഇവര്‍ മദ്യപിച്ചിട്ടുണ്ടെന്ന് തെളിഞ്ഞതായി പൊലീസ് പറഞ്ഞു.

ബിനു, സന്ദീപ്, ജോബി ജേര്‍ജ്ജ് എന്നീ പേരുകളാണ് ഇവര്‍ പൊലീസിനോട് വെളിപ്പെടുത്തിയത്. ഇവര്‍ എം എല്‍ എ മാരുടെ മക്കളാണെന്ന് വെളിപ്പെടുത്തിയില്ല. ബിനുവും സന്ദീപും അച്ഛന്റെ പേര് ബാലു എന്നും ജോബി അച്ഛന്റെ പേര് ജോര്‍ജ്ജ് ജോണ്‍ എന്നുമാണ് പൊലീസിനോട് പറഞ്ഞത്. ഇവര്‍ ്എം. എല്‍. എ മാരുടെ മക്കളാണെന്ന പീന്നിട് പൊലീസ് കണ്ടെത്തി.