കേരളം പ്രധാനടൂറിസ്റുകേന്ദ്രമാകും: കേന്ദ്രമന്ത്രി
കൊച്ചി: അടുത്ത പത്ത് വര്ഷത്തിനുള്ളില് കേരളം ഇന്ത്യയിലെ ഏറ്റവും പ്രധാന വിനോദസഞ്ചാരകേന്ദ്രമായി മാറുമെന്ന് കേന്ദ്രവാണിജ്യ-വ്യവസായ സഹമന്ത്രി രാജീവ് പ്രതാപ് റൂഡി. സ്വദേശടൂറിസ്റുകള്ക്കും വിദേശ ടൂറിസ്റുകള്ക്കും ഒരു പോലെ കേരളം പ്രധാനആകര്ഷണകേന്ദ്രമായി മാറും. - അദ്ദേഹം പറഞ്ഞു.
കേന്ദ്രസര്ക്കാര് കര്ഷകരുടെ താല്പര്യങ്ങള് സംരക്ഷിക്കുമെന്നും പക്ഷെ ആഗോളവല്ക്കരണത്തിന്റെയും ഉദാരവല്ക്കരണത്തിന്റെയും ആരംഭദശകഴിഞ്ഞ് സമ്പദ്രംഗം സുസ്ഥിരമാകാന് അല്പംകൂടി സമയമെടുക്കുമെന്നും അദ്ദേഹം പറഞ്ഞു. ജനവരി രണ്ട് ബുധനാഴ്ച വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം.
പ്രധാനമന്ത്രി വാജ്പേയിയുടെ കുമരകം വാഗ്ദാനമനുസരിച്ച് കേരളത്തിന്റെ ടൂറിസം മേഖലയെ വളര്ത്താന് കേന്ദ്രം നടപടികളെടുത്തിട്ടുണ്ട്.
കേരളത്തിലെ ഏഴുടൂറിസം പദ്ധതികള്ക്ക് കേന്ദ്രം നല്കേണ്ട 4.78 കോടിയില് 1.23 കോടി ഇതിനകം കേരളത്തിന് കൈമാറിക്കഴിഞ്ഞതായും മന്ത്രി അറിയിച്ചു. ഇനിയും 13.95 കോടി രൂപയുടെ 16 കേന്ദ്രസഹായപദ്ധതികള്കൂടി കേരളത്തിന് നല്കാന് ആലോചിക്കുന്നതായും അദ്ദേഹം പറഞ്ഞു.
കണ്ണൂര് ജില്ലയിലെ ബേക്കല് കോട്ടയുടെ വികസനത്തിനായി കേന്ദ്രം ഇതിനകം 1.90 കോടി നല്കിയിട്ടുണ്ട്.