മുരളിയെ അംഗീകരിക്കാത്തത് കരുണാകരന് മാത്രം
തിരുവനന്തപുരം : കെ. മുരളീധരനെ സ്വന്തം മകനായി മാത്രം കരുണാകരന് കാണുന്നതാണ് കേരളത്തിലെ കോണ്ഗ്രസിന്റെ ശാപമെന്ന് ഉമ്മന്ചാണ്ടി. കെപിസിസി പ്രസിഡന്റ് എന്ന നിലയില് മുരളിയെ അംഗീകരിക്കാത്ത കേരളത്തിലെ ഏക വ്യക്തി കരുണാകരനാണന്നും അദ്ദേഹം ആരോപിച്ചു.
ജനവരി രണ്ട് ബുധനാഴ്ച വാര്ത്താസമ്മേളനത്തില് സംസാരിക്കുകയായിരുന്നു ഉമ്മന്ചാണ്ടി. മുരളീധരനെയും പത്മജയെയും അംഗീകരിക്കാന് ചില കോണ്ഗ്രസുകാര്ക്ക് വൈഷമ്യമുണ്ടെന്ന കരുണാകരന്റെ അഭിപ്രായത്തെക്കുറിച്ചുള്ള വാര്ത്താലേഖകരുടെ ചോദ്യത്തിന് മറുപടി പറയുകയായിരുന്നു അദ്ദേഹം.
വളരെക്കാലത്തിനു ശേഷമാണ് ഉമ്മന്ചാണ്ടി കരുണാകരനെതിരെ പ്രതികരിക്കുന്നത്. കോഴിക്കുംഭകോണം കെപിസിസി അന്വേഷിക്കണമെന്ന കരുണാകരന്റെ ആവശ്യമാണ് യുഡിഎഫ് കണ്വീനറെ പ്രകോപിപ്പിച്ചതെന്നു കരുതുന്നു. കരുണാകരന്റെ പ്രസ്താവനകള്ക്ക് പൊതുവേദിയില് മറുപടി പറയേണ്ടെന്ന നിലപാടിലായിരുന്നു ഇതുവരെ എഗ്രൂപ്പ്. ഉമ്മന്ചാണ്ടിയുടെ പരാമര്ശത്തെത്തുടര്ന്ന് പല പ്രമുഖരും കരുണാകരനെതിരെ രംഗത്തു വരുമെന്നു കരുതുന്നു.