ഇന്ത്യയിലെ എക്കാലത്തെയും ഏറ്റവും വലിയ തിരഞ്ഞെടുപ്പ് സർവ്വേ.. നിങ്ങൾ ഇനിയും പങ്കെടുത്തില്ലേ?
  • search

വിവാദഉത്തരവ് റദ്ദാക്കും: ശങ്കരനാരായണന്‍

  • By Staff
Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts

    തിരുവനന്തപുരം: കോഴിവിവാദത്തിന് കാരണമായ വിവാദഉത്തരവ് റദ്ദാക്കുമെന്ന് ധനമന്ത്രി കെ. ശങ്കരനാരായണന്‍.

    തമിഴ്നാട്ടിലെ കോഴിക്കമ്പനികള്‍ക്ക് നികുതിയിളവ് നല്കിയതുവഴി സംസ്ഥാനസര്‍ക്കാരിന് ആറ് കോടി മുപ്പത് ലക്ഷം രൂപ മാത്രമേ നഷ്ടം വന്നിട്ടുള്ളൂ. നഷ്ടം 55 കോടിയെന്നത് പ്രതിപക്ഷനേതാവ് പെരുപ്പിച്ചു കാട്ടിയതാണ്. പക്ഷെ ഇതിന്റെ പേരില്‍ താന്‍ രാജിവയ്ക്കില്ലെന്നും അദ്ദേഹം പറഞ്ഞു.

    തമിഴ്നാട്ടിലെ കോഴിക്കമ്പനികള്‍ക്ക് നികുതിയിളവ് നല്കിക്കൊണ്ടുള്ള ഉത്തരവ് താന്‍ ഇറക്കിയതല്ലെന്നും അദ്ദേഹം പറഞ്ഞു. ജനവരി മൂന്ന് വ്യാഴാഴ്ച വാര്‍ത്താസമ്മേനളത്തില്‍ സംസാരിക്കുകയായിരുന്നു അദ്ദേഹം.

    ഇതിനു പിന്നില്‍ പ്രവര്‍ത്തിച്ചത് ധനവകുപ്പിലെ താഴെത്തട്ടിലെ ചില ഉദ്യോഗസ്ഥരാണ്. ഈ ഫയല്‍ ഞാന്‍ കണ്ടിട്ടില്ല. ഇതിനു പിന്നില്‍ പ്രവര്‍ത്തിച്ച ഉദ്യോഗസ്ഥരെ കണ്ടെത്തും. തമിഴ്നാട്ടിലെ കോഴിക്കമ്പനികളില്‍ നിന്ന് മുന്‍കാലപ്രാബല്യത്തോടെ നികുതി പിരിച്ചെടുക്കുമെന്നും ശങ്കരനാരായണന്‍ പറഞ്ഞു.

    കേരളത്തിലെ കോഴിക്കൃഷിയെപ്പറ്റി ഡിസംബര്‍ ഏഴിന് നിയമസഭയില്‍ അവതരിപ്പിക്കാനുദ്ദേശിച്ച സബ്മിഷന്റെ കോപ്പി തനിക്ക് കിട്ടിയത് ആറാംതീയതി മാത്രമാണെന്നും ബന്ധപ്പെട്ട ഉദ്യോഗസ്ഥര്‍ നല്കിയ വിശദീകരണത്തിന് അനുസരിച്ചാണ് താന്‍ സബ്മിഷന് മറുപടി നല്കിയതെന്നും ധനമന്ത്രി പറഞ്ഞു.

    2000 ഏപ്രിലിനു മുന്‍പ് കേരളത്തിലെ കോഴികള്‍ക്ക് വില്പന നികുതിയില്ലായിരുന്നു. ഈ സാഹചര്യം മുതലെടുത്ത് തമിഴ്നാട്ടിലെ കോഴിയുല്പാദനക്കമ്പനികള്‍ കരാറടിസ്ഥാനത്തില്‍ കോഴിവളര്‍ത്താന്‍ തുടങ്ങുകയായിരുന്നു. ഈ അവസ്ഥ ദുരുപയോഗം ചെയ്യുന്നതായി വില്പനനികുതി കമ്മീഷണര്‍ സോമസുന്ദരം 2001 സപ്തംബര്‍ 27ന് വിശദീകരണക്കുറിപ്പില്‍ പറഞ്ഞിരുന്നു.

    താന്‍ ധനമന്ത്രിയായിരുന്നിടത്തോളം ഉത്തരവില്‍ മാറ്റം വരുത്തിയിട്ടില്ല. വില്പനനികുതി നിയമമനുസരിച്ച് ഉത്തരവില്‍ കമ്മീഷണര്‍ക്ക് മാറ്റം വരുത്താവുന്നതാണ്. എന്നാല്‍ ഇക്കാര്യത്തില്‍ തന്നോടും സര്‍ക്കാരിനോടും അന്വേഷിച്ചിട്ടില്ലെന്ന് ധനമന്ത്രി പറഞ്ഞു. നികുതി സെക്രട്ടറിയും ഈ ഉത്തരവ് കണ്ടിട്ടില്ല. സര്‍ക്കാര്‍ തീരുമാനം നടപ്പിലാക്കേണ്ട ഉദ്യോഗസ്ഥര്‍ രാഷ്ട്രീയം കളിക്കുകയാണെന്നും അദ്ദേഹം ആരോപിച്ചു.

    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more