കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സിപിഎം മക്കളുടെ താന്തോന്നിത്തം?

  • By Staff
Google Oneindia Malayalam News

തിരുവനന്തപുരം : സിപിഎം നേതാക്കളുടെ മക്കളുടെ താന്തോന്നിത്തങ്ങള്‍ക്ക് അച്ഛന്മാരുടെ പിന്തുണയുണ്ടോ? ഉണ്ടെന്ന് സിപിഎമ്മിന്റെ മുന്‍കെഎസ്ഐഡിസി ചെയര്‍മാനും ഇപ്പോള്‍ സിപിഎം വിമതനുമായ വിജയചന്ദ്രന്‍ പറയുന്നു.

സിപിഎം നേതാക്കളുടെ മക്കള്‍ സഞ്ജയ് ഗാന്ധിയാവാന്‍ ശ്രമിക്കുകയാണെന്നാണ് സിപിഎമ്മിന്റെ മുന്‍ ടെക്നോക്രാറ്റായിരുന്ന വിജയ ചന്ദ്രന്റെ വാദം. സിപിഎം നേതാവ് പ്രകാശ് കാരാട്ടിന് അയച്ച തുറന്ന കത്തിലാണ് ഈ ആരോപണം. വി.എസ്.അച്യുതാനന്ദന്‍, കോടിയേരി ബാലകൃഷ്ണന്‍ എന്നിവരുടെ മക്കള്‍ പാര്‍ട്ടി യന്ത്രം വരുതിയിലാക്കാന്‍ ശ്രമിക്കുകയാണെന്നും അദ്ദേഹം ആരോപിക്കുന്നു.

അച്യുതനന്ദന്റെ മകനും മുന്‍ കയര്‍ഫെഡ് എംഡിയുമായ അരുണ്‍ കുമാര്‍ ആലപ്പുഴയില്‍ പാര്‍ട്ടി സമാന്തര ജില്ലാക്കമ്മിറ്റിയ്ക്കു നേതൃത്വം നല്‍കുന്നുവെന്ന വാര്‍ത്തയും കത്തില്‍ ചൂണ്ടിക്കാട്ടുന്നു. ഇവരുടെ പ്രവര്‍ത്തനം മൂലമാണ് കായംകുളത്ത് ജി. സുധാകരന്‍ പരാജയപ്പെട്ടത്.

കോടിയേരി ബാലകൃഷ്ണന്റെ രണ്ടു മക്കളും മദ്യപിച്ച് ബഹളമുണ്ടാക്കിയ കേസില്‍ പ്രതികളാണ്. എസ്എഫ്ഐ നേതാവായ മൂത്തപുത്രന്‍ അടുത്തിടെ യൂണിവേഴ്സിറ്റി കോളെജില്‍ ബോംബെറിഞ്ഞ കേസിലും പ്രതിയാണ്. സുര്‍ജിത്തിന്റെ മകന്‍ പഞ്ചാബ് നിയമസഭയില്‍ സീറ്റു സംഘടിപ്പിക്കുന്ന തിരക്കിലാണെന്ന വാര്‍ത്ത വന്നതും രണ്ടു ദിവസം മുമ്പാണ്.- കത്തു തുടരുന്നു.

മക്കളുടെ താന്തോന്നിത്തങ്ങള്‍ക്ക് പിതാക്കന്മാരുടെ പിന്തുണയുണ്ടെന്ന് വിജയചന്ദ്രന്‍ ആരോപിച്ചു. എസ്. രാമചന്ദ്രന്‍ പിളളയ്ക്കും കത്തിന്റെ പകര്‍പ്പ് അയച്ചിട്ടുണ്ട്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X