പന്തളം പീഡനക്കേസ്: 7 പേരും കുറ്റക്കാര്
കോട്ടയം: പന്തളം സ്ത്രീപീഡന കേസിലെ ഏഴ് പ്രതികളും കുറ്റക്കാരാണെന്ന് പ്രതേക കോടതി വിധിച്ചു. ശിക്ഷ പിന്നീട് പ്രഖാപിക്കും.
പന്തളം എന്എസ്എസ് കോളെജിലെ രണ്ടാം വര്ഷ ബിരുദത്തിന് പഠിക്കുകയായിരുന്ന വിദാര്ഥിനിയെ കോളജിലെ അധ്യാപകരടക്കം ഏഴ പേര് പീഡിപ്പിച്ചുവെന്നാണ് കേസ്. ഇംഗ്ലീഷ് അധ്യാപകരായ കെ.വേണുഗോപാല്, ഡി.രവീന്ദ്രനാഥപിള്ള, ബോട്ടണി അധ്യാപകന് സി. എം. പ്രകാശ്, ഇവരുടെ സുഹൃത്തുക്കളായ കോണ്ട്രാക്ടര് എം. വേണുഗോപാല്, വ്യാപാരി ജോതിഷ്കുമാര്, തഴക്കര മുന് പഞ്ചായത്ത് മെമ്പര് മനോജ് കുമാര്, സീരിയല് നിര്മാതാവ് ഷാ ജോര്ജ് എന്നിവരാണ് കേസിലെ പ്രതികള്. 97 ജൂലായ് 10നും ഒക്ടോബര് 20നുമിടയ്ക്കാണ് കേസിനാസ്പദമായ സംഭവങ്ങള് നടന്നത്.
പ്രതികളില് നാല് പേര് പെണ്കുട്ടിയെ പീഡിപ്പിച്ചിരുന്നെന്നും മൂന്ന്, ആറ്, ഏഴ് പ്രതികള് പീഡിപ്പിച്ചിട്ടില്ലെന്നും കോടതിവിധിയില് വ്യക്തമാക്കി.
പെണ്കുട്ടിയിയുടെ അച്ഛന് കോളെജ് പ്രിന്സിപ്പലിന് പരാതി നല്കിയതിനെ തുടര്ന്നാണ് വിവാദമായ പീഡനകഥ പുറത്തുവന്നത്. കോളെജ് പ്രിന്സിപ്പല് പൊലീസിന് പരാതി കൈമാറി. ലോക്കല് പൊലീസും ക്രൈം ഡിറ്റാച്ചമെന്റും പ്രതികളെ പിടികൂടുന്നതില് പരാജയപ്പെട്ടു. 98 ജനവരിയില് കേസ് ഏറ്റെടുത്ത ക്രൈം ബ്രാഞ്ചാണ് പ്രതികളെ അറസ്റ് ചെയ്തത. കേസിലെ ഒന്നാം പ്രതിയായിരുന്ന രാധാകൃഷ്ണന് ആത്മഹത്യ ചെയ്തിരുന്നു.