ബേപ്പൂരില് സംഘട്ടനം: മരണം അഞ്ചായി
കോഴിക്കോട്: ബേപ്പൂരിനടുത്ത മാറാട് കടപ്പുറത്ത് ജനവരി മൂന്ന് വ്യാഴാഴ്ച രാത്രി ഇരുവിഭാഗങ്ങള് തമ്മിലുണ്ടായ സംഘട്ടനത്തില് മരിച്ചവരുടെ എണ്ണം അഞ്ചായി.
മാറാട് തെക്കെത്തൊടി കൃഷ്ണന്റെ മകന് സുജിത്ത് (22), അരക്കിണര് പി.പി. ഹൗസില് കുഞ്ഞിക്കോയ (40), മാറാട് ചട്ടികതൊടി കുഞ്ഞുമോന് (65), പള്ളിത്തുടി യൂനസ്, മാറേടത്ത് തെക്കേവീട്ടില് അബൂബക്കര് എന്നിവരാണ് മരിച്ചത്.
നിസ്സാരമായ ഒരു പ്രശ്നത്തിന്റെ പേരിലുണ്ടായ വാക്കുതര്ക്കമാണ് അഞ്ച് പേരുടെ മരണത്തിന് കാരണമായ അക്രമ സംഭവങ്ങള്ക്ക് വഴിവെച്ചത്. മാറാട് ബീച്ചില് നടന്ന പുതുവത്സരാഘോഷത്തിനിടെ ഒരു പെണ്കുട്ടിയുടെ മേല് ആണ്കുട്ടി തട്ടിയ സംഭവമാണ് പ്രശ്നങ്ങള്ക്ക് കാരണമായത്. വാക്കേറ്റം മൂര്ച്ചിച്ചതോടെ അത് തീവെപ്പിലും ഏറ്റുമുട്ടലിലും കലാശിച്ചു.
പരിക്കേറ്റ ഇരുപതോളം പേരെ ആശുപത്രികളില് പ്രവേശിപ്പിച്ചു. എട്ട് വീടുകള് പൂര്ണമായും കത്തിനശിച്ചു. വള്ളങ്ങളും ബോട്ടുകളും നശിപ്പിക്കപ്പെട്ടു. ബേപ്പൂര്, നടക്കാവ്, ഫറോക്ക്, കുന്ദമംഗലം, കുറ്റ്യാടി, നാദാുപുരം എന്നീ പൊലീസ് സ്റേഷനുകളുടെ പരിധിയില് വരുന്ന പ്രദേശങ്ങളില് രണ്ടു ദിവസത്തേക്ക് നിരോധനാജ്ഞ പ്രഖ്യാപിച്ചു.