മാറാട്ട് ദ്രുതകര്മ സേന
കോഴിക്കോട്: അഞ്ച് പേരുടെ ജീവനെടുത്ത അക്രമ സംഭവങ്ങള് അരങ്ങേറിയ മാറാട്ട് ദ്രുതകര്മ സേനയെ നിയോഗിച്ചു.
സമാധാനാന്തരീക്ഷം സൃഷ്ടിക്കുന്നതിന്റെ ഭാഗമായി ജനവരി നാല് വെള്ളിയാഴ്ച വൈകുന്നേരം സര്വകക്ഷി യോഗം നടക്കും. മന്ത്രി കുഞ്ഞാലിക്കുട്ടി യോഗത്തില് പങ്കെടുക്കും.
മാറാട് ശക്തമായ പൊലീസ് സന്നാഹം ഏര്പ്പെടുത്തിയിട്ടുണ്ടെങ്കിലും ജനങ്ങള് ഇപ്പോഴും ഭീതിയിലാണ്. വ്യാഴാഴ്ച രാത്രിയുണ്ടായ അക്രമസംഭവങ്ങളില് നാല് പേരാണ് മരിച്ചത്. വെള്ളിയാഴ്ച രാവിലെയും ഒരാള് കൊല്ലപ്പെട്ടു. മാറേടത്ത് തെക്കേവീട്ടില് അബൂബക്കറിനെ വെള്ളിയാഴ്ച ഏഴ് മണിയോടെ ഒരു സംഘം വെട്ടിക്കൊല്ലുകയായിരുന്നു.
മാറാട് കടപ്പുറത്ത് അക്രമസംഭവങ്ങള് അരങ്ങേറിയ പശ്ചാത്തലത്തില് തൃശൂര്, മലപ്പുറം, പാലക്കാട് ജില്ലകളില് കര്ശനമായ നിയന്ത്രണങ്ങള് ഏര്പ്പെടുത്തി. മുന്കൂട്ടിയുള്ള അനുവാദമില്ലാതെ ജാഥയും പൊതുയോഗങ്ങളും നടത്തുന്നത് നിരോധിച്ചിരിക്കുകയാണ്.