ധനമന്ത്രി രാജിവയ്ക്കണം : പ്രതിപക്ഷം
തിരുവനന്തപുരം : ധനമന്ത്രി കെ. ശങ്കരനാരായണന് രാജി വയ്ക്കണമെന്ന് പ്രതിപക്ഷ നേതാക്കള് ആവശ്യപ്പെട്ടു. തങ്ങളുടെ ആരോപണം ശരിയാണെന്ന തെളിഞ്ഞ സ്ഥിതിയ്ക്ക് മന്ത്രിയായി തുടരാന് അദ്ദേഹത്തിന് അവകാശമില്ലെന്ന് വിവിധ നേതാക്കള് വാര്ത്താ സമ്മേളനങ്ങളില് ആവശ്യപ്പെട്ടു. കുംഭകോണത്തെക്കുറിച്ച് ജുഡീഷ്യല് അന്വേഷണവും പ്രതിപക്ഷം ആവശ്യപ്പെട്ടു.
വന്കിടകമ്പനികള്ക്ക് അനര്ഹമായി നികുതിയിളവ് നല്കിയ ധനമന്ത്രിയെ പുറത്താക്കാന് മുഖ്യമന്ത്രി തയ്യാറാവണമെന്ന് പ്രതിപക്ഷ നേതാവ് വി.എസ്.അച്യുതാനന്ദന് ആവശ്യപ്പെട്ടു. അല്ലെങ്കില് കേരളം കണ്ട ഏറ്റവും വലിയ കാപട്യക്കാരനായി ആന്റണിയെ ചരിത്രം വിധിയെഴുതുമെന്ന് അദ്ദേഹം പറഞ്ഞു.
ആരോപണം തെളിഞ്ഞ സ്ഥിതിയ്ക്ക് ധനമന്ത്രി രാജിവച്ച് അന്വേഷണം നേരിടണമെന്ന് ഇടതുമുന്നണി കണ്വീനര് പാലൊളി മുഹമ്മദ് കുട്ടി ആവശ്യപ്പെട്ടു. സിപിഐ സംസ്ഥാന സെക്രട്ടറി വെളിയം ഭാര്ഗവനും ധനമന്ത്രിയുടെ രാജി ആവശ്യപ്പെട്ടു.