വരുമാനം കൂടുന്നെന്ന് കെ എസ് ആര് ടി സി
തിരുവനന്തപുരം: കേരളാ ട്രാന്സ്പോര്ട്ട് കോര്പ്പറേഷന് ദൈനംദിന വരുമാനം കൂടുന്നതായി മന്ത്രി ഗണേശ് കുമാര്.
പ്രതിമാസ നഷ്ടം 15.50 കോടിയില് നിന്ന് 5.50 കോടിയായി കുറഞ്ഞതായും മന്ത്രി പറഞ്ഞു. ടിക്കറ്റ് നല്കാനായി റാക്ക് കള്ക്ക് പകരം ടിക്കറ്റ് മെഷീനുകള് ഏര്പ്പെടുത്താന് ഉദ്ദേശിക്കുന്നുണ്ട്. തിരുവനന്തപുരത്ത് നിന്നുള്ള രണ്ട് ബസുകളില് ഇത് പരീക്ഷണാടിസ്ഥാനത്തില് ഉപയോഗിക്കുന്നുണ്ട്. വിജയമാണെന്ന് കണ്ടാല് ഇത് കൂടുതല് ബസ്സുകളില് ഏര്പ്പെടുത്തും. 10,000 - 15,000 രൂപ വിലയുള്ളതാണ് ഈ യന്ത്രം. കണ്ടക്ടര്മാര്ക്ക് കൈകാര്യം ചെയ്യാന് സൗകര്യമുള്ള വലിപ്പം മാത്രമേ ഇതിനുള്ളു. ഒരേസ്ഥലത്തേയ്ക് പോകേണ്ട അഞ്ചുപേരുടെ സംഘത്തിന് ഒറ്റ ടിക്കറ്റ് കൊടുക്കാന് ഇതുവഴി കഴിയും.
വര്ഷംതോറും കെ എസ് ആര് ടി സി 80 ലക്ഷം രുപയാണ് ടിക്കറ്റ് അച്ചടിയ്കാന് ചെലവാക്കുന്നത്. ഇത് ലാഭിക്കാനാവുമെന്നാണ് കരുതുന്നത്.