കൂടുതല് നടപടി വേണമെന്ന് മുഷറഫിനോട് യു എസ്
വാഷിംഗ്ടന്: തിവ്രവാദം അമര്ച്ച ചെയ്യാന് കൂടുതല് നടപടികള് സ്വീകരിക്കണമെന്ന് മുഷറഫിനോട് യു എസ്. പാകിസ്താന് ഇതുവരെ സ്വീകരിച്ച നടപടികള് മാത്രം പോരെന്ന് യു എസ് സ്റേറ്റ് സെക്രട്ടറി കോളിന് പവലാണ് വ്യക്തമാക്കിയത്.
ബി ബി സി യുടെ അഭിമുഖത്തിലാണ് പവല് ഇത് വ്യക്തമാക്കിയത്. സാര്ക്ക് സമ്മേളനം കഴിഞ്ഞ് പാകിസ്താനിലെത്തുന്ന മുഷറഫ് കൂടുതല് നടപടി സ്വീകരിക്കുമെന്ന് പവല് പ്രത്യാശ പ്രകടിപ്പിച്ചു. യു എസിന്റെ പ്രതീക്ഷയ്ക് ഒത്ത് പാകിസ്താന് നടപടികള് സ്വീകരിച്ചില്ലെന്ന് വ്യക്തമാക്കിയെങ്കിലും അവ എന്താണെന്ന് പവല് വ്യക്തമാക്കിയില്ല.തീവ്രവാദികളുടെ പരിശിലനകളരിയായ മദ്രസകളിലെ വിദ്യാഭ്യാസ സംവിധാനം മുഷറഫ് ഉടച്ചുവാര്ക്കുമെന്നാണ് കരുതുന്നത്.
കൂടുതല് വ്യക്തമാക്കിയില്ലെങ്കിലും തീവ്രവാദികളെ പ്രോത്സാഹിപ്പിക്കുന്നില്ലെന്ന് ഇന്ത്യയ്ക് വിശ്വാസം വരുന്ന നടപടികള് മുഷറഫ് സ്വീകരിക്കുകയാണ് പവലിന്റെ വാക്കുകളിലെ വ്യംഗ്യമെന്ന് കരുതുന്നു. ഇന്ത്യയുടെ അതിര്ത്തിയിലെ സൈനിക സന്നാഹങ്ങളെ നേരിട്ടല്ലെങ്കിലും പവല് ന്യായീകരിച്ചു.