ശബരിമല: ജീവനക്കാരെ പൊലീസ് മര്ദിച്ചു
ശബരിമല: ക്ഷേത്രദര്ശനത്തിനെത്തിയ ശബരിമല സര്ക്കാര് ആശുപത്രിയിലെ രണ്ട് ജീവനക്കാരെ പൊലീസ് മര്ദിച്ചതിനെ തുടര്ന്ന് ശബരിമലയിലെ എല്ലാ സര്ക്കാര് ആശുപത്രികളിലെയും ജീവനക്കാര് ജനവരി അഞ്ച് ശനിയാഴ്ച മിന്നല് പണിമുടക്ക് നടത്തി.
സാജു വി. പണിക്കര് (24), സുധീര് (25) എന്നിവര്ക്കാണ് മര്ദനമേറ്റത്. സാജുവിന് ഗുരുതരമായി പരിക്കേറ്റു. തിരുവനന്തപുരം മെഡിക്കല് കോളജ് ആശുപത്രിയില് സാജുവിനെ പ്രവേശിപ്പിച്ചു.
ഡ്യൂട്ടി തുടങ്ങും മുമ്പ് തൊഴാനെത്തിയ സാജുവും സുധീറും ജീവനക്കാര്ക്കായുള്ള പ്രത്യേക വഴിയിലൂടെ കടക്കാന് ശ്രമിച്ചതിനെ തുടര്ന്നാണ് പൊലീസ് മര്ദിച്ചത്. മര്ദിച്ചുവെന്ന് ആരോപിക്കപ്പെടുന്ന കോണ്സ്റബിള്മാരായ പ്രമോദ്, ഷാനവാസ് എന്നിവരെ തല്ക്കാലത്തേക്ക് ഡ്യൂട്ടിയില് നിന്നൊഴിവാക്കി.
തുടര്ന്ന് പൊലീസുകാര്ക്കെതിരെ നടപടി വേണമെന്ന് ആവശ്യപ്പെട്ട് ശബരിമലയിലെ സര്ക്കാര് ആശുപത്രികളിലെ ജീവനക്കാര് പണിമുടക്ക് നടത്തി. അധികൃതര് നടത്തിയ ചര്ച്ചയെ തുടര്ന്ന് സന്ധ്യയോടെ ജീവനക്കാര് പണിമുടക്ക് പിന്വലിച്ചു.
അടൂര് സബ് കളക്ടര് കൃഷ്ണന്കുട്ടി സംഭവത്തെ കുറിച്ച് അന്വേഷിക്കും.