പമ്പാസംഗമത്തില്‍ യേശുദാസിനെ ആദരിച്ചു

പമ്പ : പത്മശ്രീ ഡോ.കെ.ജെ.യേശുദാസും സംഗീത സംവിധായകന്‍ ദക്ഷിണാമൂര്‍ത്തിയുമടക്കം പന്ത്രണ്ട് സംഗീതജ്ഞരെ പമ്പയില്‍ ആദരിച്ചു. ജനവരി അഞ്ച് ശനിയാഴ്ച നടന്ന പമ്പാ സംഗമത്തിലാണ് ഇവര്‍ ആദരിക്കപ്പെട്ടത്.

മകരവിളക്കിനു മുന്നോടിയായി നടക്കുന്ന മൂന്നു ദിവസത്തെ സാംസ്ക്കാരികോത്സവത്തോടനുബന്ധിച്ചാണ് പമ്പാ സംഗമം സംഘടിപ്പിച്ചത്.

പിന്നണി ഗായകരായ പി.ലീല, സംഗീത സംവിധായകന്‍ എം.ജി.രാധാകൃഷ്ണന്‍, പ്രൊഫ.ഓമനക്കുട്ടി, ജയവിജയന്മാരിലെ ജയന്‍, നാദസ്വരം വിദ്വാന്‍ വെട്ടിക്കവല ശശികുമാര്‍ എന്നിവരും പമ്പാ സംഗമത്തില്‍ ആദരിക്കപ്പെട്ടു.