കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഉന്നത തല ടൂറിസം സമിതി രൂപീകരിക്കും

  • By Staff
Google Oneindia Malayalam News

തിരുവനന്തപുരം : അന്തര്‍സംസ്ഥാന ടൂറിസം വികസനത്തിന്റെ സാദ്ധ്യതകള്‍ പഠിക്കാന്‍ ഉന്നതതല സമിതി രൂപീകരിക്കും. കോവളത്തു സമാപിച്ച ദക്ഷിണേന്ത്യന്‍ ടൂറിസം മന്ത്രിമാരുടെ സമ്മേളനമാണ് ഇതു സംബന്ധിച്ച തീരുമാനമെടുത്തത്. ദക്ഷിണേന്ത്യന്‍ ടൂറിസം വികസന ഫണ്ട് രൂപീകരിക്കാനും ധാരണയായി.

മറ്റു നാലു പാക്കേജുകള്‍ കൂടി തയ്യാറാക്കി കേന്ദ്ര-സംസ്ഥാന സര്‍ക്കാരുകള്‍ക്ക് സമര്‍പ്പിക്കാന്‍ സമ്മേളനം തീരുമാനിച്ചു. വിനോദ സഞ്ചാര നികുതി നിരക്കുകള്‍ ഏകീകരിക്കുക, ടൂറിസം ഉല്‍പന്നങ്ങളുടെ വിപണന സാദ്ധ്യതകള്‍ വര്‍ദ്ധിപ്പിക്കുക, അന്തര്‍ സംസ്ഥാന ടൂറിസവും സാര്‍ക്ക് രാജ്യങ്ങളിലേയ്ക്കുളള സഞ്ചാരവും വര്‍ദ്ധിപ്പിക്കുക , കൂടുതല്‍ റോഡ്- റെയില്‍ ടൂറം പാക്കേജുകള്‍ സൃഷ്ടിക്കുക എന്നിവയാണ് അവ.

സംസ്ഥാന ടൂറിസം സെക്രട്ടറിമാരും മറ്റുയര്‍ന്ന ഉദ്യോഗസ്ഥരുമടങ്ങുന്ന സമിത്ി മൂന്നു മാസത്തിലൊരിക്കല്‍ യോഗം ചേര്‍ന്ന് പുരോഗതി വിലയിരുത്തുമെന്ന് മന്ത്രി കെ.വി.തോമസ് വാര്‍ത്താ ലേഖകരെ അറിയിച്ചു.

സര്‍ക്കാര്‍ ഉദ്യോഗസ്ഥരുടെ ലീവ് ട്രാവല്‍ കണ്‍സെഷന്‍ പുനസ്ഥാപിക്കണമെന്ന് സമ്മേളനം കേന്ദ്രത്തോടാവശ്യപ്പെട്ടു. ആഭ്യന്തര ടൂറിസത്തിന് ഇളവുകള്‍ അനുവദിക്കുക, ദക്ഷിണേന്തയിലെ ഏത് അന്താരാഷ്ട്ര വിമാനത്താവളത്തിലേയ്ക്കു വരാനും വിസ അനുവദിക്കുക, ദക്ഷിണേന്ത്യയിലെ അന്താരാഷ്ട്ര വിമാനത്താവളങ്ങളില്‍ വിദേശ വിമാനക്കമ്പനികള്‍ക്ക് ലാന്‍ഡിംഗ് അനുവദിക്കുക എന്നീ പ്രമേയങ്ങള്‍ സമ്മേളനം പാസാക്കി. ചെലവ് നികുതി കേന്ദ്രം ഉപേക്ഷിച്ചാല്‍ ലക്ഷ്വറി ടാക്സ് 10 ശതമാനമാക്കാന്‍ സംസ്ഥാനങ്ങള്‍ തയ്യാറാണെന്ന് പ്രഖ്യാപിക്കുന്ന പ്രമേയവും സമ്മേളനം പാസാക്കി.

കേന്ദ്ര ടൂറസം മന്ത്രി ജഗ്മോഹന്റെ നേതൃത്വത്തില്‍ മദ്ധ്യേഷ്യയിലേയ്ക്ക് ഒരു പ്രതിനിധി സംഘത്തെ അയയ്ക്കാനും യോഗം തീരുമാനിച്ചു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X