ഫയല് മുക്കിയത് ഗൗരിയമ്മയെന്ന് അച്യുതാനന്ദന്
തിരുവനന്തപുരം : കൊപ്ര സംഭരണം സംബന്ധിച്ച ഫയല് മുക്കിയത് ഗൗരിയമ്മയാണെന്ന് പ്രതിപക്ഷ നേതാവ്. എല്ഡിഎഫ് ഭരണകാലത്ത് ശിക്ഷിക്കപ്പെട്ട കൊപ്ര മാഫിയകളെ സംരക്ഷിക്കാനാണ് ബന്ധപ്പെട്ട ഫയലുകള് മുക്കിയതെന്ന് അദ്ദേഹം ആരോപിച്ചു.
ഉദ്യോഗസ്ഥര് ഫയല് വീട്ടില് കൊണ്ടു പോകാന് പാടില്ലെന്ന് നിയമമുണ്ട്. എന്നാല് മന്ത്രിക്ക് അത്തരം നിയന്ത്രണങ്ങളില്ല.
കോഴി കുംഭകോണത്തെക്കുറിച്ച് താന് ഉന്നയിച്ച ആരോപണങ്ങള് ശരിയാണെന്നു തെളിഞ്ഞതായി അച്യുതാനന്ദന് പറഞ്ഞു. ധനമന്ത്രിയും ഉദ്യോഗസ്ഥരും തമ്മിലുളള ഒത്തുകളിയാണ് ഇപ്പോള് നടക്കുന്നത്.
ജപ്പാന് കുടിവെളള പ്രശ്നത്തില് അഴിമതി നടത്താന് തന്നെ സഹായിച്ച മന്ത്രിമാരെ മുഖ്യമന്ത്രി തിരിച്ചു സഹായിക്കുകയാണ്. അഴിമതിക്കാരനായ ധനമന്ത്രിക്കെതിരെ നടപടിയെടുത്തില്ലെങ്കില് ജനങ്ങള്ക്ക് അധിക കാലം സഹിക്കാന് കഴിയില്ലെന്ന് പ്രതിപക്ഷ നേതാവ് മുന്നറിയിപ്പ് നല്കി.