കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഇന്റര്‍നെറ്റ് ഫോണിന് അനുമതി വരുന്നു

  • By Staff
Google Oneindia Malayalam News

ദില്ലി: ഇന്റര്‍നെറ്റ് ടെലിഫോണിന് നിയമാനുമതി നല്‍കിക്കഴിയുമ്പോള്‍ ഇന്ത്യയില്‍ ദീര്‍ഘദൂര ടെലഫോണ്‍ നിരക്ക് ഇനിയും കുറയും. ഐഎസ് ഡി നിരക്കുകള്‍ കഴിഞ്ഞ ആഴ്ചയാണ് പകുതിയോളം കുറച്ചത്.

ഇന്റര്‍നെറ്റ് ഉപയോഗിച്ച് ഫോണ്‍ചെയ്യുന്നത് നിയമപരമാക്കാനുള്ള നിര്‍ദ്ദേശം ടെലക്കോം റഗുലേറ്ററി അഥോറിട്ടി ഓഫ് ഇന്ത്യ നല്‍കിയെങ്കിലും ഇതിന് സര്‍ക്കാരിന്റെ അനുമതി വൈകുകയാണ്.

ഇത് വരുന്നതോടെ എസ്.ടി.ഡി. ഐ.എസ്.ഡി. നിരക്കുകളില്‍ 40 ശതമാനത്തിന്റെ കുറവെങ്കിലും ഉണ്ടാകുമെന്നാണ് കരുതുന്നതെന്ന് ഇന്റര്‍നെറ്റ് സര്‍വീസ് പ്രൊവൈഡേഴ്സ് അസോസിയേഷന്‍ സെക്രട്ടറി അമിതാഭ് സിംഗാള്‍ പറഞ്ഞു.

മൈക്രോഫോണും സ്പീക്കറും ഘടിപ്പിച്ച കംപ്യൂട്ടറുകള്‍ ഉപയോഗിച്ച് ഇന്റര്‍നെറ്റ് വഴി ഫോണ്‍ ചെയ്യുന്നത് ഇപ്പോള്‍ നിയമ വിരുദ്ധമാണ്. എങ്കിലും ഇത് ഉപയോഗിക്കുന്നവര്‍ ഇന്ത്യയില്‍ ഇപ്പോള്‍ ഒട്ടും കുറവല്ല. നിരോധനം ഫലപ്രദമായി നടപ്പാക്കാന്‍ വിഷമമാണ്, ഇതുകൊണ്ടാണ് അനുമതിയെക്കുറിച്ച് സര്‍ക്കാര്‍ ആലോചിക്കുന്നത്.

ഇന്റര്‍നെറ്റ് ഫോണ്‍ സംവിധാനം നടപ്പാക്കിയാല്‍ ഇപ്പോള്‍ എസ് ടി ഡി ബൂത്ത് നടത്തുന്നവര്‍ക്ക് വരുമാനം കുറയാം. പക്ഷേ അവര്‍ ഇന്റര്‍നെറ്റ് ഫോണ്‍ സംവിധാനം ഏര്‍പ്പെടുത്തിയാല്‍ വരുമാനം കൂട്ടാനാവും.

ഇന്റര്‍നെറ്റ് സേവന ദാതാക്കള്‍ തുടക്കം മുതല്‍ തന്നെ ഈ സംവിധാനത്തിനു വേണ്ടി വാദിക്കുന്നുണ്ട്. അവരുടെ വരുമാനം കൂടുമെന്നതാണ് ഇതിന് കാരണം.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X