നീലന് കുറ്റക്കാരന്?
തിരുവനന്തപുരം: ഐഎഫ്എസ് ഓഫീസര് പ്രകൃതിശ്രീവാസ്തവയെ പീഡിപ്പിച്ച കേസില് മുന്മന്ത്രി നീലലോഹിതദാസന്നാടാര് കുറ്റക്കാരനാണെന്ന് ക്രൈംബ്രാഞ്ച് കണ്ടെത്തിയതായി അറിയുന്നു. ഇതുസംബന്ധിച്ച റിപ്പോര്ട്ട് ക്രൈംബ്രാഞ്ച് അഡീഷണല് ഡിജിപി(ക്രൈംസ്) എം.ജി.എ. രാമന് നല്കി.
കോഴിക്കോട് ക്രൈംബ്രാഞ്ച് എസ്പി എസ്. ശ്രീജിത്താണ് നീലന് തന്നെ ശാരീരികമായി പീഡിപ്പിച്ചെന്ന പ്രകൃതി ശ്രീവാസ്തവയുടെ പരാതിയെക്കുറിച്ച് അന്വേഷിച്ചത്. 2001 ഏപ്രില് 12നാണ് മുന്വനം-ഗതാഗതമന്ത്രിയും ജനതാദള് നേതാവുമായ നീലലോഹിതദാസന്നാടാന് തന്നെ ലൈംഗികമായി പീഡിപ്പിച്ചതായി ചൂണ്ടിക്കാട്ടി പ്രകൃതിശ്രീവാസ്തവ രേഖാമൂലം പരാതിനല്കിയത്. അഡീഷണല് ഡിജിപി പരിശോധിച്ചുകഴിഞ്ഞാല് ക്രൈംബ്രാഞ്ച് റിപ്പോര്ട്ട് മജിസ്ട്രേറ്റ് കോടതിയില് നല്കും.
റിപ്പോര്ട്ടിനെപ്പറ്റി വാര്ത്താലേഖകര് തിരക്കിയപ്പോള് എന്തെങ്കിലും പറയാന് ശ്രീജിത്ത് വിസമ്മതിച്ചു. മുന് മന്ത്രി കുറ്റംചെയ്തിട്ടുണ്ടെന്നുതന്നെയാണ് റിപ്പോര്ട്ടിലെ കണ്ടെത്തലെന്ന് അറിയുന്നു. കേസില് 30 പേരെ ചോദ്യം ചെയ്തു. ഇതില് ഭൂരിഭാഗം പേരും മന്ത്രി കുറ്റക്കാരനാണെന്ന് അഭിപ്രായപ്പെട്ടിരുന്നു.
വതിനാകമ്മീഷന് മുന് അധ്യക്ഷ സുഗതകുമാരി, പ്രകൃതിശ്രീവാസ്തവയുടെ ബന്ധുക്കള്, അച്ഛനമ്മമാര്, വനംവകുപ്പിലെ മുതിര്ന്ന ഉദ്യോഗസ്ഥര് എന്നിവരെയാണ് ക്രൈംബ്രാഞ്ച് ചോദ്യം ചെയ്തത്.