സര്ക്കാരിന്റെ പ്രവര്ത്തനത്തില് തൃപ്തനല്ല
കോഴിക്കോട്: സാമ്പത്തിക പ്രതിസന്ധി അതിജീവിക്കാന് സര്ക്കാര് സ്വീകരിച്ച നടപടികളില് തൃപ്തനല്ലെന്ന് മുതിര്ന്ന കോണ്ഗ്രസ് നേതാവ് കെ. കരുണാകരന്.
ജീവനക്കാരുമായി ചര്ച്ച ചെയ്താണ് പ്രശ്നത്തിന് പരിഹാരം കാണേണ്ടിയിരുന്നത്. അവരുടെ നിര്ദേശങ്ങള് കൂടി കേള്ക്കേണ്ടതാണ്. ഭരണത്തില് ജനങ്ങള്ക്കുള്ള നിരാശ ഏറി കൊണ്ടിരിക്കുകയാണ്. ജനവരി 16 ബുധനാഴ്ച വാര്ത്താ സമ്മേനത്തില് സംസാരിക്കുകയായിരുന്നു കരുണാകരന്.
സര്ക്കാര് ഓഫീസുകള് ഒരു മാസം പൂട്ടിക്കിടന്നാലും കുഴപ്പമില്ലെന്ന് മുഖ്യമന്ത്രി പറഞ്ഞിട്ടുണ്ടാവാനിടയില്ലെന്നും അങ്ങനെ പറഞ്ഞിട്ടുണ്ടെങ്കില് ആ നിലപാട് മാറ്റണമെന്നും ഒരു ചോദ്യത്തിന് മറുപടിയായി കരുണാകരന് പറഞ്ഞു.
ഭരണത്തെ വിലയിരുത്താന് ആറ് മാസം നല്കിയിരുന്നല്ലോ എന്ന ചോദ്യത്തിന് മറുപടിയായി 10 മാസം കഴിഞ്ഞ് നോക്കാമെന്ന് കരുണാകരന് പറഞ്ഞു. കുഞ്ഞ് ജനിച്ചാല് പോര, അതിന് ജീവനുണ്ടായിരിക്കണം.ഇങ്ങനെയായിരുന്നു കരുണാകരന്റെകമന്റ്.