• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

മുഷറഫ് ഇനിയും നടപടിയെടുക്കണം : പവല്‍

  • By Staff

ദില്ലി: തീവ്രവാദത്തിനെതിരെ പാകിസ്താനോട് കൂടുതല്‍ നടപടികള്‍ കൈക്കൊള്ളാന്‍ യുഎസ് സ്റേറ്റ് സെക്രട്ടറി കോളിന്‍ പവല്‍ ആവശ്യപ്പെട്ടു. ഏഷ്യന്‍ രാജ്യങ്ങളിലെ സന്ദര്‍ശനത്തിന്റെ ഭാഗമായി ഇന്ത്യയിലെത്തിയ പവല്‍ ജനവരി 18 വെളളിയാഴ്ച വാര്‍ത്താസമ്മേളനത്തില്‍ സംസാരിക്കുകയായിരുന്നു.

അതിര്‍ത്തിക്കപ്പുറത്തു നിന്നുള്ള തീവ്രവാദം അവസാനിപ്പിക്കാന്‍ കൂടുതല്‍ നടപടിയെടുക്കണമെന്ന ഇന്ത്യയുടെ ആവശ്യത്തോട് പവല്‍ അനുകൂലമായാണ് പ്രതികരിച്ചത്. ഇന്ത്യയും പാകിസ്താനും തമ്മില്‍ സംഭാഷണങ്ങള്‍ പ്രോത്സാഹിപ്പിക്കാനുള്ള വഴിയിലാണ് ഞങ്ങള്‍. പക്ഷെ അത് സുഗമമായി മുന്നോട്ട് പോകണമെങ്കില്‍ പാകിസ്ഥാന്റെ ഭാഗത്ത് നിന്ന് കൂടുതല്‍ നടപടികളുണ്ടാവണം. - പവല്‍ വ്യക്തമാക്കി.

നേരത്തെ പ്രധാനമന്ത്രി വാജ്പേയി, ദേശീയ സുരക്ഷാഉപദേശകന്‍ ബ്രജേഷ് മിശ്ര എന്നിവരുമായി പവല്‍ ചര്‍ച്ചനടത്തി. ഇന്ത്യയും പാകിസ്താനും തമ്മില്‍ പരസ്പരവിശ്വാസം വളര്‍ത്താനുള്ള മാര്‍ങ്ങളെക്കുറിച്ചായിരുന്നു പവല്‍ ഇവരുമായി ചര്‍ച്ചചെയ്തത്.

ഇന്ത്യ പാകിസ്ഥാനോട് ആവശ്യപ്പെട്ട 20 കുറ്റവാളികളില്‍ 14 പേര്‍ ഇന്ത്യന്‍ പൗരന്‍മാരാണ്. ഇവരെ ഇന്ത്യയ്ക്ക് കൈമാറില്ല എന്ന് മുഷറഫ് പറഞ്ഞിട്ടില്ല. ഇക്കാര്യത്തില്‍ മുഷറഫ് ശരിയായ നടപടികളെടുക്കും. - പവല്‍ അറിയിച്ചു. ഇവര്‍ തീവ്രവാദം, തട്ടിക്കൊണ്ടുപോകല്‍, മയക്കമരുന്ന് കടത്തല്‍ തുടങ്ങിയ കുറ്റകൃത്യങ്ങളില്‍ ഏര്‍പ്പെട്ടിരുന്നവരാണിവര്‍. ഇവരെല്ലാം പിടിക്കപ്പെടേണ്ട കുറ്റവാളികളാണ്. ഇവരാരും കറാച്ചിയിലെ ഗുഹകളില്‍ ഒളിച്ചിരിക്കുന്നവരല്ല. കറാച്ചിയില്‍ ഗുഹകളില്ല. ഇവരെയെല്ലാം പാകിസ്താന്‍ ഭരണകൂടത്തിന് അറിയാം. - പവല്‍ പറഞ്ഞു.

പാകിസ്താന്‍ പ്രസിഡന്റ് പര്‍വേസ് മുഷറഫിന്റെ പ്രസംഗം വളരെ നല്ല രീതിയിലാണ് ഇന്ത്യ സ്വാഗതം ചെയ്തത്. മുഷറഫ് തീവ്രവാദത്തിനെതിരെ സ്വാഗതാര്‍ഹമായ നടപടികള്‍ കൈക്കൊള്ളുന്നുണ്ട്. ഇതുവരെ 1900 തീവ്രവാദികളെ പിടികൂടിയിട്ടുണ്ട്. - പവല്‍ വിശദമാക്കി.

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more