കേരളത്തില്‍ ലോഡ് ഷെഡിംഗ്

തിരുവനന്തപുരം : സംസ്ഥാനത്ത് വീണ്ടും ലോഡ് ഷെഡിംഗ് ഏര്‍പ്പെടുത്തി. വെളളിയാഴച മുതല്‍ വൈകിട്ട് ആറരയ്ക്കും 10നു മിടയ്ക്കാണ് അരമണിക്കൂര്‍ ലോഡ് ഷെഡിംഗ്. വൈദ്യുതി മന്ത്രി കടവൂര്‍ ശിവദാസന്‍ വാര്‍ത്താക്കുറിപ്പില്‍ അറിയിച്ചതാണ് ഈ വിവരം.

തിരുവനന്തപുരം, കൊച്ചി, കോഴിക്കോട് നഗരങ്ങളെ ലോഡ്ഷെഡിംഗില്‍ നിന്ന് ഒഴിവാക്കി. കായംകുളം താപനിലയത്തിലെ ജനറേറ്ററിനു തകരാറുളളതിനാലും രാമഗുണ്ടം താപനിലയത്തിലെ ഉല്‍പാദനം 500 മെഗാവാട്ട് കുറഞ്ഞതിനാലും കേന്ദ്രവിഹിതത്തില്‍ നിന്നും 100 മെഗാവാട്ട് കുറഞ്ഞതിനാലുമാണ് നിയന്ത്രണമേര്‍പ്പെടുത്തുന്നതെന്നും വാര്‍ത്താക്കുറിപ്പില്‍ പറയുന്നു.

മുല്ലപ്പെരിയാര്‍ - വിവരങ്ങള്‍

മുല്ലപ്പെരിയാര്‍ അണക്കെട്ടിന്റെ ഉയരം 160 അടി.
വെള്ളം സംഭരിക്കാവുന്ന പരമാവധി ഉയരം 154 അടി.
സുരക്ഷിതത്വം കണക്കിലെടുത്ത് വെള്ളം സംഭരിക്കാവുന്ന പരമാവധി ഉയരം 136 അടി.
ഒടുവില്‍ ജലനിരപ്പ് 136 അടി എത്തിയത് 1999 ല്‍
2002 ജനവരിയില്‍ ജലനിരപ്പ് 120 അടി.