മുല്ലപ്പെരിയാര് ഉയരം കൂട്ടാം: ജലകമ്മീഷന്
ദില്ലി: മുല്ലപ്പെരിയാര് അണക്കെട്ടിന്റെ ഉയരം 142 അടിയാക്കി ഉയര്ത്താമെന്ന് കേന്ദ്ര ജലകമ്മീഷന് സുപ്രീംകോടതിയെ അറിയിച്ചു. ജനവരി 18 വെള്ളിയാഴ്ച ജനതാപാര്ട്ടി നേതാവ് സുബ്രഹ്മണ്യം സ്വാമി നല്കിയ കേസിന്റെ ഭാഗമായാണ് സുപ്രീംകോടതിയില് കേന്ദ്രജലകമ്മീഷന് ഇക്കാര്യം അറിയിച്ചത്.
ഉയരം കൂട്ടണമെന്ന തമ ിഴ്നാടിന്റെ ആവശ്യത്തിന്മേല് സുപ്രീംകോടതി ജലകമ്മീഷന്റെ അഭിപ്രായം തേടിയിരുന്നു. ജസ്റിസുമാരായ സന്തോഷ് ഹെഗ്ഡെ, എസ്.എം. ഫുക്കാന് എന്നിവരടങ്ങുന്ന ഡിവിഷന് ബഞ്ചാണ് കേസ് പരിശോധിക്കുന്നത്.
കേസിന്റെ വാദം ഇനി ഒരാഴ്ച കഴിഞ്ഞേ ഉണ്ടാകൂ. ഈ കേസില് കക്ഷി ചേര്ന്നിട്ടുള്ള കേരളം ഡാമിന്റെ ഉയരം 136അടിയില് കൂട്ടാതിരിക്കാന് കേന്ദ്രത്തില് സമ്മര്ദ്ദം ചെലുത്തിവരുന്നതിനിടയിലാണ് കേന്ദ്രജലകമ്മീഷന്റെ ഈ അഭിപ്രായം.
മുല്ലപ്പെരിയാറിന്റെ ഉയരം 136 അടിയില് കൂട്ടാതിരിക്കാന് കേരളസര്ക്കാര് നിയമനിര്മ്മാണം നടത്തിവരികയാണ്. പക്ഷെ കേന്ദ്രസര്ക്കാരിന്റെയും സുപ്രീംകോടതിയുടെയും പരിഗണനയിലിരിക്കുന്ന കേസില് കേരളത്തിന്റെ നിയമം നിലനില്ക്കുമോ എന്നറിയില്ല.
മുല്ലപ്പെരിയാര് - വിവരങ്ങള്
മുല്ലപ്പെരിയാര്
അണക്കെട്ടിന്റെ
ഉയരം
160
അടി.
വെള്ളം
സംഭരിക്കാവുന്ന
പരമാവധി
ഉയരം
154
അടി.
സുരക്ഷിതത്വം
കണക്കിലെടുത്ത്
വെള്ളം
സംഭരിക്കാവുന്ന
പരമാവധി
ഉയരം
136
അടി.
ഒടുവില്
ജലനിരപ്പ്
136
അടി
എത്തിയത്
1999
ല്
2002
ജനവരിയില്
ജലനിരപ്പ്
120
അടി.