മലപ്പുറം ജില്ലാ സമ്മേളനത്തില്‍ വി.എസിനെതിരെ വിമര്‍ശനം

മഞ്ചേരി: ആലപ്പുഴ ജില്ലാ സമ്മേളനത്തില്‍ നടന്നത് പാര്‍ട്ടിവിരുദ്ധമാണെന്ന വി. എസ്. അച്യുതാനന്ദന്റെ പ്രസ്താവനക്കെതിരെ മലപ്പുറം ജില്ലാ സമ്മേളനത്തില്‍ വിമര്‍ശനമുയര്‍ന്നു.

പോളിറ്റ് ബ്യൂറോ അംഗമായ അച്യുതാനന്ദന്‍ പരസ്യപ്രസ്താവന നടത്തിയത് ശരിയാണോ എന്ന് ചില പ്രതിനിധികള്‍ സമ്മേളനത്തില്‍ സംശയമുന്നയിച്ചു. വേദിയിലുണ്ടായിരുന്ന ഇ. കെ. നായനാര്‍ , പാലൊളി മുഹമ്മദ് കുട്ടി, ടി. ശിവദാസ മേനോന്‍ എന്നിവര്‍ക്ക് കൃത്യമായ മറുപടിയുണ്ടായിരുന്നില്ല.

നായനാര്‍ സര്‍ക്കാരിന്റെ കാലത്ത് ധനകാര്യ വകുപ്പിന്റെ പോരായ്മകളെ കുറിച്ചും സമ്മേളനത്തില്‍ വിമര്‍ശനമുയര്‍ന്നു.