ലിസ്റ് തീരുമാനമാകാതെ കെപിസിസി യോഗം പിരിഞ്ഞു
തിരുവനന്തപുരം: ഡിസിസി ഭാരവാഹികളുടെ ലിസ്റിന് അന്തിമരൂപം നല്കാനാവാത്തതിനെ തുടര്ന്ന് ലിസ്റ് പ്രസിദ്ധീകരിക്കാതെ കെപിസിസി ഉപസമിതി യോഗം പിരിഞ്ഞു.
യോഗത്തില് വയലാര് രവിയുടെ നാലാം ഗ്രൂപ്പ് പങ്കെടുത്തില്ല. തങ്ങളുടെ ലിസ്റും അവര് നല്കിയിരുന്നില്ല. നാലാം ഗ്രൂപ്പുമായി ചര്ച്ച ചെയ്ത് അഭിപ്രായ സമന്വയമുണ്ടാക്കിയ ശേഷം ലിസ്റ് പ്രസിദ്ധീകരിച്ചാല് മതിയെന്ന് എ ഗ്രൂപ്പ് വാദിച്ചതിനെ തുടര്ന്നാണ് ലിസ്റ് പ്രസിദ്ധീകരിക്കാതെ യോഗം പിരിഞ്ഞത്.
ഇതുവരെയുള്ള ധാരണയനുസരിച്ച് ഐ ഗ്രൂപ്പിന് 96ഉം എ ഗ്രൂപ്പിന് 90ഉം മൂന്നാം ഗ്രൂപ്പിന് 26ഉം രവി ഗ്രൂപ്പിന് 19ഉം സ്ഥാനങ്ങള് നല്കാനായിരുന്നു തീരുമാനം. എന്നാല് തങ്ങള്ക്ക് 21 സീറ്റെങ്കിലും വേണമെന്നതാണ് നാലാം ഗ്രൂപ്പിന്റെ നിലപാട്. ഇതുകാരണം നാലാം ഗ്രൂപ്പ് തങ്ങളുടെ ലിസ്റ് നല്കിയിരുന്നില്ല.
നാലാം ഗ്രൂപ്പ് ലിസ്റ് നല്കിയില്ലെങ്കില് അവരുടെ സ്ഥാനങ്ങള് ഒഴിച്ചുനിര്ത്തി ലിസ്റ് പ്രസിദ്ധീകരിക്കുമെന്നായിരുന്നു കഴിഞ്ഞ ദിവസം ഡിസിസി പ്രസിഡന്റ് കെ. മുരളീധരന് പറഞ്ഞിരുന്നത്.