ആര്‍എസ്എസ് മിഷനറിമാര്‍ക്കെതിരെ

ഗുവാഹട്ടി : ക്രിസ്തീയ മിഷനറിമാര്‍ തീവ്രവാദികളെ പിന്തുണയ്ക്കുന്നെന്ന് ആര്‍എസ്എസ്. വടക്കു കിഴക്കന്‍ സംസ്ഥാനങ്ങളിലെ തീവ്രവാദികള്‍ക്ക് ക്രിസ്ത്യന്‍ പുരോഹിതന്മാര്‍ ആയുധവും പണവും നല്‍കി സഹായിക്കുകയാണെന്ന് ആര്‍എസ്എസ്. തലവന്‍ കെ.എസ്. സുദര്‍ശന്‍ ആരോപിച്ചു.

ഏഴ് വടക്കു കിഴക്കന്‍ സംസ്ഥാനങ്ങളില്‍ നിന്നുമെത്തിയ ആര്‍എസ്്എസ് പ്രവര്‍ത്തകരുടെ യോഗത്തില്‍ ജനവരി 21തിങ്കളാഴ്ച സംസാരിക്കുകയായിരുന്നു സുദര്‍ശന്‍.

ഈ മേഖലയിലെ യുവാക്കളുടെ മനസില്‍ ഇന്ത്യാ വിരുദ്ധ വികാരം കുത്തി വയ്ക്കുന്നത് പളളികളാണ്. ഇതിനു പുറമേ പണവും മറ്റ് ആനുകൂല്യങ്ങളും നല്‍കി പാവപ്പെട്ടവരെ മതപരിവര്‍ത്തനം ചെയ്യുന്നു.

എന്നാല്‍ ക്രിസ്തീയ നേതാക്കള്‍ ഈ ആരോപണം നിഷേധിച്ചു. ഇത് അസംബന്ധവും ഭാവനാസൃഷ്ടിയുമാണ്. ഞങ്ങള്‍ ആരെയും നിര്‍ബന്ധിച്ച് മതപരിവര്‍ത്തനം ചെയ്യിക്കാറില്ല. തീവ്രവാദികളെ പിന്തുണയ്ക്കുന്നെന്ന ആരോപണവും അടിസ്ഥാന രഹിതമാണ് അവര്‍ പറയുന്നു.