പിന്നില് ദുബായിലെ അധോലോകനേതാവ്
ദില്ലി: കൊല്ക്കത്തയില് അമേരിക്കന് സെന്റര് ആക്രമിച്ചതിന്റെ ഉത്തരവാദിത്വം ദുബായിലെ ഒരു അധോലോകത്തലവന് ഏറ്റെടുത്തു. ദുബായിലെ ഫര്ഹാന് എന്നറിയപ്പെടുന്ന അഫ്താബ് മാലിക് ആണ് നാലുപേരുടെ മരണത്തിനിടയാക്കിയ തീവ്രവാദി ആക്രമണത്തിന്റെ ഉത്തരവാദിത്വം ഏറ്റെടുത്തത്.
ഫര്ഹാന് എന്ന ദുബായ് കേന്ദ്രമായി പ്രവര്ത്തിക്കുന്ന അധോലോകനേതാവ് ആക്രമണത്തിന്റെ ഉത്തരവാദിത്വം ഏറ്റെടുത്തിട്ടുള്ളതായി പിന്നീട് കേന്ദ്രആഭ്യന്തരമന്ത്രാലയം സ്ഥിരീകരിച്ചു. ഇക്കാര്യം വിദേശകാര്യവക്താവ് നിരുപമറാവുവും ജനവരി 22 ചൊവാഴ്ച നടത്തിയ വാര്ത്താസമ്മേളനത്തില് വെളിപ്പെടുത്തിയിരുന്നു.
പാകിസ്ഥാന് ഇന്റലിജന്സ് ഏജന്സിയായ ഐഎസ്ഐയുമായി ഫര്ഹാന് ബന്ധമുണ്ടെന്നും ഇന്ത്യ ആരോപിച്ചു. ബംഗ്ലാദേശിലും ഇന്ത്യയുടെ കിഴക്കന് പ്രദേശങ്ങളിലും സാന്നിധ്യമുള്ള ഹര്കത്ത്-ഉള്- ജിഹാദ്-എ-ഇസ്ലാം എന്ന സംഘടനയ്ക്കും ഐഎസ്ഐയുമായി ബന്ധമുണ്ടെന്ന് കേന്ദ്രആഭ്യന്തരമന്ത്രാലയം അഭിപ്രായപ്പെട്ടു.