ഗ്രാമവികസനം: കേരളത്തിന് 155 കോടി നല്കും
തിരുവനന്തപുരം: ഗ്രാമവികസനത്തിന് കേരളത്തിന് 155 കോടി രൂപ നല്കുമെന്ന് കേന്ദ്രഗ്രാമവികസന മന്ത്രി വെങ്കയ്യ നായിഡു പറഞ്ഞു. ഫിബ്രവരിയില് ഈ തുക കേരളത്തിന് നല്കും. ജനവരി 24 വ്യാഴാഴ്ച വാര്ത്താസമ്മേളനത്തിലാണ് അദ്ദേഹം ഇക്കാര്യം അറിയിച്ചത്.
ഇതിനായി കേരളം പ്രത്യേക പദ്ധതികള് സമര്പ്പിക്കണം. ഇപ്പോള് സമര്പ്പിച്ചിട്ടുള്ള പദ്ധതികളില് പോരായ്മകളുണ്ടെങ്കില് വേണ്ട മാറ്റങ്ങള് വരുത്തുമെന്നും അദ്ദേഹം പറഞ്ഞു.
കേന്ദ്രം നല്കുന്ന ഫണ്ട് മുഴുവന് ഉപയോഗിക്കാന് കേരളം പ്രത്യേകം ശ്രദ്ധിക്കണം. ഈവര്ഷം 227 കോടിയാണ് കേരളത്തിന് അനുവദിച്ചിട്ടുള്ളത്. ഇതില് 102 കോടി കേരളം ഉപയോഗിച്ചു കഴിഞ്ഞു. താലൂക്ക് തലത്തില് ഭൂരേഖകള് കംപ്യൂട്ടര്വല്ക്കരിക്കാന് കേന്ദ്രം നാലരക്കോടി കേരളത്തിന് നല്കും.
തിരുവനന്തപുരം, ആലപ്പുഴ, മലപ്പുറം, വയനാട്, കൊല്ലം, കാസര്കോട് ജില്ലകളില് ശുചീകരണപദ്ധതികള്ക്കുള്ള നാലു നിര്ദേശങ്ങള്ക്ക് കേന്ദ്രം അംഗീകാരം നല്കിയിട്ടുണ്ടെന്നും അദ്ദേഹം പറഞ്ഞു. പഞ്ചായത്തീരാജ് പ്രതിനിധികള്ക്ക് പരിശീലനം നല്കാന് കിലയ്ക്ക് 75 ലക്ഷം നല്കിയിട്ടുണ്ട്.