ബര്ണാല കേരളാഗവര്ണര്?
ദില്ലി: പുതിയ കേരളാ ഗവര്ണറായി മുന് അകാലിദള് നേതാവ് സുര്ജിത്സിംഗ് ബര്ണാലയെ കേന്ദ്രം നിയമിച്ചതായി അറിയുന്നു. ഇപ്പോഴത്തെ ഗവര്ണറായ ജസ്റിസ് സുഖ്ദേവ്സിംഗ് കാംഗിന്റെ കാലാവധി ജനവരി 24 വ്യാഴാഴ്ച അവസാനിച്ചു.
നേരത്തെ ബര്ണാല തമിഴ്നാട് ഗവര്ണറായിരുന്നിട്ടുണ്ട്. പുതിയ ഗവര്ണറുടെ നിയമനം സംബന്ധിച്ച് കേന്ദ്രആഭ്യന്തരമന്ത്രി എല്.കെ. അദ്വാനി കേരളത്തില് നിന്നുള്ള കേന്ദ്രമന്ത്രി ഒ. രാജഗോപാലിനെയും മുഖ്യമന്ത്രി ആന്റണിയേയും അറിയിച്ചതായും അറിയുന്നു.
വാസ്തവത്തില് ബര്ണാലയുടെ ശല്ല്യം ഒഴിവാക്കാനുള്ള ബിജെപിയുടെ ശ്രമത്തിന്റെ ഭാഗമാണ് ഈ നീക്കമെന്ന് കരുതുന്നു. ഉത്തരാഞ്ചല് നിയമസഭാ തിരഞ്ഞെടുപ്പ് നടക്കുന്ന സമയമായതിനാല് ബര്ണാലയുടെ സാന്നിധ്യം കുഴപ്പമാണെന്ന കണക്കുകൂട്ടലാണ് ബിജെപിയെ ഇങ്ങിനെയൊരു തീരുമാനമെടുക്കാന് പ്രേരിപ്പിച്ചത്.
ഉദ്ദംസിംഗ് നഗറിനെ ഉത്തരാഞ്ചല് സംസ്ഥാനത്തോട് യോജിപ്പിക്കുന്നതിനെ ബര്ണാല ശക്തമായി എതിര്ത്തിരുന്നു. തിരഞ്ഞെടുപ്പ് സമയമായതിനാല് ഈ പ്രശ്നം ഉയര്ത്തി ബര്ണാല ബിജെപിയുടെ പ്രതിച്ഛായയ്ക്കു മങ്ങലേല്പിക്കുമെന്ന് കേന്ദ്രനേതൃത്വം ഭയപ്പെടുന്നു.