ചാവക്കാട് തോക്ക് വേട്ട

ചാവക്കാട്: മാരുതിവാനില്‍ കടത്താന്‍ ശ്രമിച്ച വിദേശനിര്‍മ്മിതതോക്കുകള്‍ പൊലീസ് പിടികൂടി. ജനവരി 31 വ്യാഴാഴ്ച രാവിലെയാണ് ചേറ്റുവ ടോള്‍ബൂത്തിനടുത്ത് വച്ച് ചാവക്കാട് എസ്ഐ കെ.എസ്. സുദര്‍ശന്റെ നേതൃത്വത്തിലുള്ള പൊലീസ് സംഘം തോക്കുകള്‍ പിടിച്ചെടുത്തത്.

കാറില്‍ ആറ് തോക്കുകളുണ്ടായിരുന്നു. ആറും വിദേശത്തുനിര്‍മ്മിച്ചവയാണ്. തോക്കിനൊപ്പം വിദേശനിര്‍മ്മിത ചെരുപ്പ് അടുക്കമുള്ള പ്ലാസ്റിക് സാധനങ്ങളും പിടിച്ചു. മാരുതിവാനിലെ യാത്രക്കാരായ മതിലകം സ്വദേശി ബഷീര്‍, കോയമ്പത്തൂരില്‍ ഡ്യൂട്ടിപെയ്ഡ് ഷോപ്പ് നടത്തുന്ന ഇരിങ്ങാലക്കുട സ്വദേശി അല്‍ഫോണ്‍സ് എന്നിവരെയും പൊലീസ് കസ്റഡിയിലെടുത്തു.

തോക്കുകള്‍ ജര്‍മ്മനിയില്‍ നിര്‍മ്മിച്ചവയാണെന്ന് പരിശോധനയ്ക്കുശേഷം സിഐ കെ.എം. ആന്റണി പറഞ്ഞു. വിദഗ്ധരെക്കൊണ്ട് പരിശോധിപ്പിച്ച ശേഷം തുടര്‍നടപടികളെടുക്കും.

അജ്ഞാതഫോണ്‍സന്ദേശം ലഭിച്ചതിനെ തുടര്‍ന്ന് ജനവരി 30 ബുധനാഴ്ച രാത്രി മുതലേ ദേശീയ പാതയില്‍ വാടാനപ്പിള്ളി, ചാവക്കാട് പൊലീസ് അന്വേഷണം തുടങ്ങിയിരുന്നു. ടോളില്‍ ഫീസുകൊടുക്കാന്‍ മാരുതി വാന്‍ നിര്‍ത്തിയപ്പോഴാണ് പൊലീസ് തോക്കു കണ്ടെത്തിയത്.