കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

നയപ്രഖ്യാപന പ്രസംഗം അലങ്കോലപ്പെടുത്തി

  • By Staff
Google Oneindia Malayalam News

തിരുവനന്തപുരം: സര്‍ക്കാര്‍ ജീവനക്കാരുടെ സമരത്തോടുള്ള സര്‍ക്കാര്‍ നിലപാടില്‍ പ്രതിഷേധിച്ച് ബഹളം വെച്ച പ്രതിപക്ഷം ഗവര്‍ണറുടെ നിയമസഭയിലെ നയപ്രഖ്യാപന പ്രസംഗം അലങ്കോലപ്പെടുത്തി.

പ്രതിപക്ഷാംഗങ്ങളുടെ മുദ്രാവാക്യം വിളിക്കിടയില്‍ ഗവര്‍ണര്‍ സുഖ്ദേവ്സിംഗ് കാംഗ് 27 മിനുട്ട് കൊണ്ട് നയപ്രഖ്യാപന പ്രസംഗം അവസാനിപ്പിച്ചു.

നിയമസഭയുടെ ബജറ്റ് സമ്മേളനം ആരംഭിക്കുന്ന മാര്‍ച്ച് ഒന്നാം തീയതി ഗവര്‍ണര്‍ നയപ്രഖ്യാപന പ്രസംഗം ആരംഭിച്ചപ്പോള്‍ തന്നെ പ്രതിപക്ഷ നേതാവ് എഴുതിയുണ്ടാക്കിയ പ്രസംഗം വായിക്കാന്‍ തുടങ്ങി. സര്‍ക്കാരിന്റെ ചെലവ് ചുരുക്കല്‍ നടപടികളോടും സര്‍ക്കാര്‍ ജീവനക്കാരുടെ സമരം കൈകാര്യം ചെയ്യുന്ന രീതിയോടും പ്രതിഷേധിച്ചായിരുന്നു പ്രതിപക്ഷ നേതാവിന്റെ പ്രസംഗം.

പ്രതിപക്ഷ നേതാവിന്റെ മൈക്ക് ഓഫ് ചെയ്തെങ്കിലും അദ്ദേഹം പ്രസംഗം തുടര്‍ന്നു. പ്രതിപക്ഷാംഗങ്ങള്‍ കരിനിയമങ്ങള്‍ പിന്‍വലിക്കുക എന്നെഴുതിയ ബാനറുകള്‍ ഉയര്‍ത്തിക്കാട്ടി.

അച്യുതാനന്ദന്‍ പ്രസംഗം അവസാനിപ്പിച്ചപ്പോള്‍ പ്രതിപക്ഷാംഗങ്ങള്‍ മുദ്രാവാക്യംവിളി തുടങ്ങി. ബഹളത്തിനിടെ ഗവര്‍ണര്‍ നയപ്രഖ്യാപനം വേഗത്തില്‍ വായിച്ചുതീര്‍ത്തു. തുടര്‍ന്ന് പ്രതിപക്ഷാംഗങ്ങള്‍ സഭയില്‍ നിന്നും ഇറങ്ങിപോയി.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X