ഹര്‍ത്താല്‍: ചിലയിടങ്ങളില്‍ അക്രമം

തിരുവനന്തപുരം: വിഎച്ച്പി ആഹ്വാനം ചെയ്ത ഹര്‍ത്താലിനോട് അനുബന്ധിച്ച് കേരളത്തില്‍ ചിലയിടങ്ങളില്‍ അക്രമങ്ങളുണ്ടായി.

തിരുവനന്തപുരത്ത് വിമാനത്താവളത്തില്‍ നിന്ന് വരികയായിരുന്ന ഒരു വാഹനത്തിന് നേരെ ഹര്‍ത്താല്‍ അനുകൂലികള്‍ കല്ലേറ് നടത്തി. കഴക്കൂട്ടത്ത് ഒരു സ്വകാര്യ വാഹനത്തിന് നേരെ കല്ലേറുണ്ടായതിനെ തുടര്‍ന്ന് നിയന്ത്രണം വിട്ട് വാഹനം മറിഞ്ഞു. ആര്‍ക്കും പരിക്കില്ല.

മധ്യകേരളത്തിലെ ചില പ്രദേശങ്ങളിലും അക്രമികള്‍ കടകള്‍ക്കും മറ്റും നേരെ കല്ലേറ് നടത്തി.

മാഹിയില്‍ ബോബും വടിവാളുമായി രണ്ട് ആര്‍എസ്എസ് പ്രവര്‍ത്തകരെ പൊലീസ് അറസ്റ് ചെയ്തു. മുന്‍കരുതലെന്ന നിലയില്‍ കണ്ണൂരില്‍ ഏഴ് പേരെയും വയനാട് മൂന്ന് പേരെയും പൊലീസ് അറസ്റ് ചെയ്തു.

രാവിലെ ആറ് മുതല്‍ വൈകുന്നേരം ആറ് വരെയാണ് ഹര്‍ത്താലിന് ആഹ്വാനം ചെയ്തിരുന്നതെങ്കിലും ചിലയിടങ്ങളില്‍ അര്‍ധരാത്രി മുതല്‍ തന്നെ വിഎച്ച്പി പ്രവര്‍ത്തകര്‍ റോഡിലിറങ്ങി വാഹനങ്ങള്‍ തടഞ്ഞിരുന്നു
.